मीरा-भाईंदर, वसई-विरार गुन्हे शाखेची जळगावात मोठी कारवाई : सव्वा कोटींच्या एम.डी.सह दोघे जाळ्यात

जळगाव (सोमवार, 31 ऑगस्ट 2026) : जळगावात पाच किलो एम.डी.ड्रग्ज सप्लाय केल्याची पक्की माहिती मीरा-भाईंदर, वसई-विरार पोलिसांच्या गुन्हे शाखा युनिट-4 च्या पथकाला 14 संशयीतांच्या अटकेदरम्यान मिळाली होती. या माहितीच्या जोरावर पथकाने गुरुवारी जळगावात छापा टाकत सव्वा कोटी रुपये किंमतीच्या पाच किलो एम.डी.सह मेहरुण आणि उस्मानिया पार्क परिसरातून दोघांना अटक केली. या कारवाईने ड्रग्ज माफियांच्या गोटात प्रचंड खळबळ उडाली.

रहिम ताहेर पिंजारी (28) व सैय्यद मुशादूर अली मुमताज अली (29, रा. जोशी पेठ, श्री पंत नगर) अशी अटकेतील आरोपींची नावे आहेत.