नशिराबाद पोलिसांची गांजाविरोधात मोठी कारवाई ; 3.538 किलो गांजासह दोघे जाळ्यात

नशिराबाद (गुरुवार, 3 सप्टेंबर 2026) : नशिराबाद पोलिसांनी गोपनीय माहितीच्या आधारे स्थानिक व जळगावातील आरोपींकडून तीन 538 किलो गांजा जप्त केला आहे. गांजासह मोटारसायकल आणि मोबाईल फोन मिळून एकूण दोन लाख 53 हजार 500 रुपयांचा मुद्देमाल पोलिसांनी जप्त केला.

‘नशामुक्त भारत’ अभियानांतर्गत कारवाई
पोलीस अधीक्षक श्रीकांत धिवरे यांच्या मार्गदर्शनाखाली ‘नशामुक्त भारत अभियानांतर्गत जिल्ह्यात अमली पदार्थांची विक्री, वाहतूक व सेवन यांचे समूळ उच्चाटन करण्यासाठी गुप्त माहिती संकलित करून प्रभावी कारवाई करण्याच्या सूचना देण्यात आल्या आहेत. नशिराबाद सहा.निरीक्षक योगीता नारखेडे यांना गांजा वाहतुकीबाबत माहिती मिळाल्यानंतर त्यांनी कारवाईचे निर्देश दिले. , नशिराबाद गावातील साती बाजार चौकात दोन संशयीत अंमली पदार्थांची बेकायदेशीर विक्री करण्यासाठी आल्यानंतर पथकाने पडताळणी करीत दोन संशयीतांना ताब्यात घेतले. ही बुधवार, 2 सप्टेंबर 2026 रोजी रात्री करण्यात आली. अटकेतील आरोपींमध्ये राजेश भारत बांदू (31, महादेव मंदिराजवळ, तांबापुरा, जळगाव) व सुभाष सोमा मराठे (68 साती बाजार, नशिराबाद, जळगाव) अशी अटकेतील आरोपींची नावे आहेत.