पहिल्याच माळेला श्री क्षेत्र मनुदेवी मंदिरावर खान्देशातील भाविकांची गर्दी

यावल (रविवार, 11 ऑक्टोबर 2026) :  यावल तालुक्यातील आडगाव येथून जवळच सातपुड्याच्या कुशीतील श्री क्षेत्र सातपुडा निवासिनी आई मनुदेवी मंदिरात मोठ्या उत्साहात शारदीय नवरात्रोत्सवाला सुरवात झाली. दोन दाम्पत्याच्या हस्ते येथे घटस्थापना करण्यात आली. राज्यासह शहरातील राज्यात येथून ज्योत प्रज्वलीत करून हजारो भाविक यंदा येथून पहाटेपासुन निघाले आहे.

दाम्पत्याच्या हस्ते घटस्थापना
श्री क्षेत्र सातपुडा निवासनी आई मनुदेवी मंदिरात रविवारी शारदीय नवरात्रोत्सवास सुरवात झाली. मंदिरात आई मनुदेवीला जल अभिषेक करून शालू परिधान करण्यात आला. विदगाव, ता.जळगाव विकास वारके व जळगाव शहरातील संजय महाजन यांनी सपत्नीक विधीवत घटस्थापना केली. मंदिर संस्थानकडून या दोन दाम्पत्यास घटस्थापनेचा मान देण्यात आला होता. संपूर्ण धार्मिक विधी, पूजा झाल्यानंतर देवीची आरती पुजारी स्वानंद धर्माधिकारी व मंदिराचे पुजारी ज्ञानेश्वर काळे महाराज यांच्या पार पाडण्यात आली.