वाचन संस्कृती रुजविण्यासाठी पुस्तक भेट उपक्रम

वाचन संस्कृती वृद्धिंगत होण्यासाठी स्तुत्य उपक्रम
पंचायत समिती चोपडा येथील माजी सभापती तथा सर्वोदय हायस्कूल किन्ही, ता.भुसावळ येथील शिक्षक डी.पी.साळुंखे यांनी वाचन संस्कृती वृद्धिंगत व्हावी यासाठी स्तुत्य उपक्रम सुरू केला आहे. घरी येणार्‍याला प्रत्येक व्यक्तीला पुस्तक भेट देऊन वाचन झाल्यानंतर इतरांना ही पुस्तके द्यावी, अशा प्रकारची विनंती करतात. जिजाऊ जयंती व त्यांचा वाढदिवस असल्याने घरी येणार्‍याला प्रत्येक व्यक्तीला त्यांनी पुस्तकांची भेट दिली. या माध्यमातून विविध पुस्तकांचे वाचन होऊन शब्दभांडार वाढणार आहे व नवनवीन माहिती वाचण्यास मिळेल तसेच वाचन झाल्यानंतर हे पुस्तक इतरांना द्या त्या ज्ञानाचा उपयोग इतरांनीही होईल व वाचन संस्कृती वाढवता येईल, असा संदेश त्यांनी यावेळी दिला

वाचनामुळे विचार करण्याची क्षमता वाढते
नवीन पिढी मोबाईल अथवा संगणकावरच विविध खेळ खेळतात यामुळे त्यांच्या बौद्धिक क्षमतेवर परीणाम होत असतो परंतु घरामध्ये वाचनाची सवय असल्यास लहान मुलांनादेखील ही सवय जडेल व वाचन संस्कृती वाढून बौद्धिक क्षमता वाढविण्यास मदत होईल यामुळे पुस्तक भेटीचा उपक्रम सुरू केला असल्याचे चोपडा पंचायत समिती माजी सभापती डी.पी.साळुंखे म्हणाले.