यावल : मधुकर सहकारी साखर कारखाना रोडवरील भारत तोलकाटा समोर धनेश्वर भोळे यांच्या मालकीच्या शेती मालाच्या गोदामाला शनिवारी पहाटे आग लागून त्यात शतावरी, अश्वगंधा, प्लास्टिक ट्रे, मळणी यंत्र, मोटार, केबल तसेच शेती उपयोगी साहित्य जळाल्याने सुमारे 18 लाखांचे नुकसान झाल्याचा अंदाज आहे. शॉर्ट सर्कीटमुळे शनिवारी पहाटे तीन वाजेच्या सुमारास ही आग लागली. अग्निशमन बंबावरील वाहक भागवत फेगडे, रूबाब तडवी, भुषण वारूळकर या कर्मचार्यांनी आग आटोक्यात आणली.
