भुसावळच्या गँगमन तरुणांचा महामार्गावर अपघाती मृत्यू

अपघातामुळे वाहतूक ठप्प
माळी भवनापासून काही अंतरावर उड्डापणपुलावर रविवारी रात्री सव्वा नऊ वाजेच्या सुमारास अपघात झाल्यानंतर वाहतूक ठप्प झाली. बाजारपेठचे निरीक्षक दिलीप भागवत, सहा.कृष्णा भोये, सहा.निरीक्षक मंगेश गोंटला, सहा.निरीक्षक अनिल मोरे, रवींद्र बिर्‍हाडे, दीपक पाटील, समाधान पाटील, ईश्‍वर भालेराव, प्रशांत परदेशी, प्रशांत सोनार, कृष्णा देशमुख, चालक अय्याज सैय्यद आदींनी घटनास्थळी धाव घेत वाहतूक सुरळीत केली तसेच मृतदेह शवविच्छेदनासाठी हलवले. नगरसेवक पिंटू कोठारी, पिंटू ठाकूर, शेख आरीफ गनी, कृउबा सभाापती सचिन चौधरी आदींनी धाव मृतदेह पालिका रुग्णालयात शवविच्छेदनासाठी हलवण्याकामी मदत केली.

महामार्ग सुरू मात्र पथदिवे बंद
अपघात ज्या ठिकाणी झाला त्या भागात पथदिवे बंद असल्याने वाहनधारकांनी तीव्र नाराजी व्यक्त केली आहे. राष्ट्रीय महामार्गावर अपघातांचे सत्र कायम आहे. गुरुवारी भुसावळच्या सिंधी कॉलनीतील मनीष दर्डा व रीतेश दर्डा हे भावंड जळगावहून भुसावळकडे येत असताना साकेगावजवळ ठार झाले होते. रस्त्याच्या परीस्थितीकडे दुर्लक्ष करून ट्राला उभा करण्यात आल्याने दुचाकी
त्यावर आदळून या भावंडाचा मृत्यू झाला होता.