प्रज्ञाचक्षू बांधवांना रस्त्यातील अडथळ्यांची मिळणार गॅझेट्सद्वारे माहिती

अत्यल्प खर्चात उत्पादन
इलेक्ट्रॉनिक्स तंत्रज्ञानाचा वापरून अर्डिनो युनो, अडथळे शोधण्यासाठी एचसी एसआर 04 अल्ट्रासोनिक सेन्सर, डीसी मोटर,बझर, रेड एलईडी, स्विचेस, पॉवर बँक, हेडर पीन या सारख्या उपकरणांच्या मदतीने ही प्रणाली काम करणार आहे. डिझाइनसाठी कमी वेळ लागला व उत्पादन खर्चही कमी आहे. कमी वीज वापरासह हलके वजन असल्याने, अंध व्यक्ती हे यंत्र सर्वत्र ठिकाणी नेता येणार आहे.

पेटंटसाठी अर्ज करणार
ही प्रणाली वाटेत येणार्‍या अडथळ्यांना ओळखून (ध्वनिलहरी) लाटा तयार करतात आणि आवाज निर्माण होतो आणि समोर अडथळा आहे, असे लगेच सूचित होते. हे दृष्टिहीन लोकांना अडथळे ओळखून आरामात चालण्यास मदत करते. त्यांना फक्त हे डिव्हाइस परीधान करणे आवश्यक आहे. सध्या या प्रणालीच्या पेटंटसाठी अर्ज करण्यात येणार आहे. लवकरच काही बदल करून ती बाजारात आणण्याचा प्रयत्न आहे, असे मार्गदर्शक प्रा.धिरज पाटील यांनी सांगितले.

स्वयंरोजगाराचा मार्ग तयार केला
या प्रणालीबाबत कोमल जाधव हिने सांगितले, इलेक्ट्रॉनिक्स अ‍ॅण्ड टेलिकॉम शाखेत करीयर घडवून स्वयंरोजगाराचा मार्ग तयार केला आहे याचा आनंद वाटतो. प्रज्ञाचक्षू बांधवांना प्रवासात विशेषत: अपरीचीत ठिकाणी रस्ता नवखा असल्याने अडथळे येतात. त्यांना आम्ही विकासीत केलेली ही प्रणाली उपयोगी ठरणार आहे. अंध व्यक्तींना येणार्‍या अडचणी जाणून गरजेनुसार त्यात बदल करण्यात आले आहेत.