शिवसैनिकांनी शिवसंपर्क अभियान प्रभावीपणे राबवावे : जिल्हाप्रमुख समाधान महाजन

भुसावळ : महाराष्ट्र राज्याचे मुख्यमंत्री तथा शिवसेनेचे पक्षप्रमुख आदरणीय उद्धव ठाकरे यांच्या आदेशानुसार भुसावळ तालुक्यातील ग्रामीण भागात तळवेल येथे शिवसंपर्क अभियानाचा शुभारंभ शिवसेनेचे जिल्हाप्रमुख समाधान महाजन यांच्या शुभहस्ते व उपजिल्हा संघटक विलास मुळे यांच्या प्रमुख मार्गदर्शनाखाली झाला. तळवेल येथील शिवसैनिकांशी संवाद साधत त्यांनी शिवसंपर्क अभियान अंतर्गत राज्यात मुख्यमंत्री उद्धव ठाकरे यांच्या नेतृत्वाखाली सरकारने केलेले काम सांगण्याची संधी या माध्यमातून शिवसैनिकांना मिळाली आहे. शिवसैनिकांनी हे अभियान प्रभावीपणे राबवावे, असे आवाहन जिल्हाप्रमुख समाधान महाजन यांनी केले.

यांची होती उपस्थिती
यावेळी विधानसभा क्षेत्रप्रमुख संतोष सोनवणे, तालुका संघटक प्रा.धीरज पाटील, जिल्हा परीषद सदस्य सरला कोळी, पंचायत समिती सदस्य विजय सुरवाडे, उपतालुका प्रमुख सुभाष चौधरी, हिरामण पाटील, उपतालुका संघटक प्रकाश कोळी, भुसावळ शहरप्रमुख निलेश महाजन, उपसरपंच विलास भारसके, अल्पसंख्याक आघाडीचे उपजिल्हा संघटक सईद मुल्ला, दर्यापूर माजी सरपंच सुनील कोळी, ग्रा.पं.सदस्य किशोर कोळी, भुरा धरणे व मान्यवर उपस्थित होते.