भुसावळात दूषित पाण्याबाबत विरोधक आक्रमक : अभियंत्यास घेराव

भुसावळ : शहरवासीयांना होणारा पाणीपुरवठा गढूळ व दूषित असल्याने शहरात साथीचे आजार वाढण्याची भीती व्यक्त होत आहे. या संदर्भात राष्ट्रवादीच्या विरोधी नगरसेवकांनी आक्रमक पवित्रा घेत मंगळवारी नगरपालिकेच्या पाणीपुरवठा अभियंत्यांना घेराव घालत जाब विचारला. शहराचा पाणीपुरवठा आधीच विस्कळीत असून त्यातच जे पाणी शहरवासीयांना मिळत आहे ते देखील दूषित व गढूळ असल्याचे यावेळी नगरसेवकांनी सांगितले. पावसाची समस्या आत्ताच निर्माण झाली असलीतरी पाणीपुरवठ्याची समस्या यापूर्वीच असल्याचे नगरसेवकांनी यावेळी सांगितले. प्रसंगी राष्ट्रवादीच्या नगरसेवकांनी फिल्टर हाऊसची पाहणी केली.

यांची होती उपस्थिती
यावेळी कृउबा सभापती सचिन चौधरी, विरोधी गटनेते दुर्गेश ठाकूर, उल्हास पगारे, शे. शाकीर, सलीम पिंजारी, प्रदीप देशमुख, सचिन पाटील साजीद शे. आदी उपस्थित होते.