भाजपाच्या आंदोलनानंतर नागेश्वर महादेव मंदिर रेल्वे पुलाखालील पाणीप्रश्‍न मार्गी

माजी नगराध्यक्ष सुनील काळेंच्या आंदोलनानंतर सा.बां.विभागाकडून तातडीने कामाला सुरूवात

वरणगाव : तीर्थक्षेत्र नागेश्वर महादेव मंदिराजवळील रेल्वे पुलाखाली पाणी साचल्यामुळे वाहनधारकांसह पादचार्‍यांना पायी चालणेदेखील कठीण ठरत होते. सार्वजनिक बांधकाम विभागाकडे तक्रार करून दखल घेतली जात नसल्याने तीव्र नाराजी व्यक्त होत होती. नागरीक व वाहनधारकांना होणारा त्रास लक्षात घेत वरणगावचे माजी नगराध्यक्ष सुनील काळे यांच्या नेतृत्वात शुक्रवारी सकाळी 11 वाजता पुलाखाली रास्ता रोको आंदोलन करण्यात आल्याने दोन्ही बाजूची वाहतूक ठप्प झाली. सार्वजनिक बांधकाम विभागाला आंदोलनाची माहिती कळताच अधिकार्‍यांनी दखल घेवून जेसीबीद्वारे कामाला सुरूवात केली व आंदोलकांना आंदोलन मागे घेण्याची विनंती केल्यानंतर आंदोलन मागे घेण्यात आले. तातडीने काम पूर्ण न झाल्यास आणखी तीव्र आंदोलन छेडण्याचा इशारा देण्यात आला.

आंदोलनानंतर सार्वजनिक बांधकाम विभागाला जाग
भाजपाच्या वतीने शुक्रवारी सकाळी 11 वाजता रेल्वे पुलाखाली रस्ता रोको आंदोलन करण्यात आले. माजी नगराध्यक्ष सुनील काळे, भाजपाचे शहराध्यक्ष सुनील माळी, उपाध्यक्ष हितेश चौधरी, कामगार नेते मिलिंद मेढे, जिल्हा उपाध्यक्ष मिलिंद भैसे, प्रताप दिव्यवीर, भाजयुमोचे सरचिटणीस आकाश निमकर, विशाल कुंभार, कमलाकर मराठे, जिल्हा सरचिटणीस डॉ.सादीक, तालुकाध्यक्ष साबीर कुरेशी, सरचिटणीस गोलू राणे, नटराज चौधरी, राहुल जंजाळे आदी आंदोलनात सहभागी झाले. जो पर्यंत अधिकारी येवून कामाला सुरूवात करीत नाही तो पर्यंत आंदोलन मागे घेण्यात येणार नाही, अशी भूमिका माजी नगराध्यक्ष सुनील काळे यांनी घेतल्याने खळबळ उडाली.