‘सुर्य गौरव’ राष्ट्रीय पुरस्काराने सुभाष ललवाणी यांचा सन्मान

ललवाणी मूळचे कजगावचे भूमिपूत्र
पुणे येथील नामांकित शिक्षण संस्थेच्या वतीने समाजातील विविध क्षेत्रातील मान्यवरांना विविध राष्ट्रीय पुरस्काराने सन्मानीत करण्यात येते. या वर्षीच्या ‘सुर्य-गौरव’ राष्ट्रीय पुरस्काराने ज्येष्ठ सामाजिक कार्यकर्ते सुभाष ललवाणी यांना संस्थेच्या वतीने थोर समाजसेवक, पद्मविभुषण श्री आण्णा हजारे यांच्या हस्ते गौरविण्यात आले. ट्रॉफी, मेडल, सन्मानचिन्ह असे पुरस्काराचे स्वरूप आहे. सुभाष ललवाणी हे मुळचे कजगाव. ता.भडगाव येथील भूमिपुत्र असून हल्ली पुण्यसात उद्योजक म्हणून स्थायीक झाले आहेत. ललवाणी हे सामाजिक क्षेत्रात सदैव कार्यरत असून त्यांनी जैन समाजातील अडीच ते तीन हजार विवाह जोडले आहेत. विविध संस्थेवर ते कार्यरत आहेत. या अगोदरदेखील ललवाणी यांना अनेक ठिकाणी गौरविण्यात आले आहे. सुभाष ललवाणी हे कजगावचे जेष्ठ पत्रकार प्रमोद ललवाणी यांचे ज्येष्ठ बंधू आहेत.