जळगाव : तालुक्यातील तूरखेडा येथील 40 वर्षीय तरूणाने शहरातील कांचन नगर येथे पत्नीच्या घरी आत्महत्या केली. ही घटना सोमवार, 7 फेब्रुवारी रोजी सायंकाळी उघडकीला आली. याबाबत शनीपेठ पोलीस ठाण्यात अकस्मात मृत्यूची नोंद करण्यात आली. रवींद्र केशव सुर्यवंशी (40, रा.तुरखेडा, ता.जि.जळगाव) असे मयत तरूणाचे नाव आहे.
आत्महत्येचे कारण अस्पष्ट
रवींद्र सूर्यवंशी हे मुलगा दीपक सुर्यवंशी यांच्यासह तुरखेडा येथे वास्तव्याला होते तर त्यांच्या पत्नी सुरेखा सुर्यवंशी ह्या जळगाव शहरातील कांचन नगरात वास्तव्यास असून भाजीपाला विक्री करून उदरनिर्वाह करतात. गेल्या चार ते पाच दिवसांपासून मुलगा दीपक हा पत्नी सुरेखाकडे राहण्यासाठी आला होतो त्यामुळे त्याला घेण्यासाठी रवींद्र सूर्यवंशी हे सोमवारी 7 फेब्रुवारी रोजी सकाळी त्याला घेण्यासाठी कांचन नगर येथील पत्नीच्या घरी आले होते. सायंकाळी 7.30 वाजेच्या सुमारास पत्नी सुरेखा ह्या कामानिमित्त बाहेर गेले असतांना रवींद्र यांनी घराचा दरवाजा आत बंद करून दोरीने गळफास घेवून आत्महत्या केली. आत्महत्येचे नेमके कारण कळू शकले नाही. यासंदर्भात पत्नी सुरेखा व मुलगा दिपक हे घरी आले असता दरवाजा आतून बंद होता. शेजारचांच्या मदतीने दरवाजा उघडून पाहिले तर रवींद्र सुर्यवंशी यांनी गळफास घेतल्याचे दिसून आले. त्यांना तातडीने जिल्हा शासकीय वैद्यकीय महाविद्यालयात दाखल केले असता वैद्यकीय अधिकारी यांनी मयत घोषीत केले. याबाबत शनीपेठ पोलीस ठाण्यात अकस्मात मृत्यूची नोंद करण्यात आली आहे. पुढील तपास पोलिस नाईक अभिजीत सैंदाणे करीत आहे.
