दुध भुकटी पुरवठ्याची ऑर्डर घेत पावणेतीन कोटींचा गंडा : आरोपी सांगलीतून गुन्हे शाखेच्या जाळ्यात

Bodwad’s Milk Dairy: Rs 3 Crore Extortion: Sangli Businessman Arrestedजळगाव : दुध भुकटी पुरवठ्याची ऑर्डर घेवून बोदवडमधील डेअरी चालकाला पावणेदोन कोटींचा गंडा घातल्याप्रकरणी दाखल गुन्ह्यातील आरोपी तथा दूध व्यावसायीक ज्ञानदेव गणपती साळुंखे (54, रा. दीपनगर, जयसिंगपूर) याला सांगलीतून अटक करण्यात आली. साळुंखेसह अमित बाबासाहेब शेळके (रा. तावदरवाडी, ता. पलूस), अनुप भगवान काळे (रा. कोयनानगर- चिंचवड, ता. हवेली, जि. पुणे) व प्रशांत ऊर्फ सोमनाथ प्रकाश मंगूरकर (रा. टाकळीरोड, मिरज) यांच्यावरही यापूर्वीच गुन्हा दाखल आहे. जळगावच्या आर्थिक गुन्हे शाखेने ही कारवाई केली.

150 टन दुध भुकटी पुरवण्यापोटी घेतले कंत्राट
बोदवड शहरातील अमरलाल परमानंद खत्री (रा. बोदवड) यांचा दूध डेअरीचा व्यवसाय असून खत्री यांनी 150 टन दूध भुकटी पुरविण्यासाठी संशयितांशी करार केला होता. 27 फेब्रुवारी 2017 ते 28 ऑक्टोबर 2018 या कालावधीत प्रशांत मंगूरकर याच्या मिरज येथील बँक खात्यावर त्यांनी दोन कोटी 75 लाख रुपयांची रक्कम भरली मात्र संशयितांनी दूध पावडर पुरविली नव्हती. अमित शेळके व अनूप काळे हे यड़ाव येथील माउली फूड्सचे संचालक व मालक आहेत, तर प्रशांत मंगूरकर हा माउली इस अंतर्गत सिद्धार्थ ब्रॅन्ड दूध भुकटी खरेदी-विक्रीचा वितरक आहे. खत्री यांनी विविध बँक खात्यांतून दोन कोटी 75 लाख रुपयांची रक्कम मंगूरकर याच्या बँक खात्यात जमा केली होती. पैसे जमा केल्यानंतर भुकटीसाठी तगादा लावल्यानंतर त्यांनी टाळाटाळ सुरू केली होती. यानंतर मंगूरकर याने खत्री यांना दोन कोटींचा दिलेला धनादेशही वटला नव्हता. खत्री यांनी मंगूरकर, काळे व शेळके यांच्याविरोधात पोलिसांत फिर्याद दाखल केली होती.