मुक्ताईनगरात निर्माल्यातून सेंद्रिय खत निर्मिती

मुक्ताईनगर शहरातील नवयुवकांच्या अभिनव संकल्पनेचे सर्वत्र स्वागत

मुक्ताईनगर : तीर्थक्षेत्र श्री संत मुक्ताई मंदिर व मुक्ताईनगर परीसरातील विविध देवस्थानची मंदिरे यातून प्लॅस्टिक मुक्त निर्माल्य संकलन करीत त्यापासून चांगल्या दर्जाचे सेंद्रिय खत निर्मिती करण्याचा अभिनव उपक्रम काही नवयुवकांनी हातात घेतला आहे. तो यशस्वीपणे याबविला जावा याकरीता विविध मंदिरात प्लॅस्टिक मुक्त कचरा स्वीकारण्यासाठी निर्माल्य संकलन पेट्या तयार करून त्या मंदिर व्यवस्थापकाच्या स्वाधीन करण्यात आल्या आहेत

या युवकांच्या संकल्पनेतून खत निर्मिती
निर्माल्यातून उच्च दर्जाचे सेंद्रिय खत निर्मिती करण्यासाठी सचिन बोरोले, धनंजय सापधरे, राहुल माळी, शुभम तळेले, शुभम काठोके, मंगेश कोळी, अनिल भंगाळे हे नवयुवक प्रयत्नशील असून त्यांच्या या आगळ्यावेगळ्या उपक्रमास अनेकांनी शुभेच्छा दिल्या आहेत.