A youth from Pimperkhed died after being hit by an unknown vehicle on Paladhi Bypass धरणगाव : भरधाव अज्ञात वाहनाने दिलेल्या धडकेत पिंपरखेड, ता.भडगाव येथील दुचाकीस्वार जागीच ठार झाला. हा अपघात धरणगाव तालुक्यातील पाळधी बायपास जवळील विठ्ठल मंदिरासमोरील राष्ट्रीय महामार्गावर 27 ऑगस्ट रोजी घडली होता. या प्रकरणी मंगळवारी अज्ञात वाहनधारकावर धरणगाव पोलीस ठाण्यात गुन्हा दाखल करण्यात आला. दरम्यान, भूषण संभाजी माळी (29, रा.पिंपरखेड, ता.भडगाव) असे मयत तरुणाचे नाव आहे.
अज्ञात वाहन धारकाविरोधात अखेर गुन्हा
भूषण माळी हा तरुण आपल्या परीवारासहसह भडगाव तालुक्यातील पिंपरखेड येथे वास्तव्याला होता. 27 ऑगस्ट रोजी भूषण माळी हा शिरसोली येथे राहणार्या बहिणीकडे भेटण्यासाठी आला होता. रात्रीचे जेवण केल्यानंतर मध्यरात्री अडीच वाजेच्या सुमारास भूषण हा दुचाकीने घरी जाण्यासाठी निघाल्यानंतर पाळधी बायपासजवळ असलेल्या विठ्ठल मंदिरासमोरील राष्ट्रीय महामार्गावर अज्ञात वाहनाने दुचाकीला धडक दिल्यानंतर भूषण माळी याचा जागीच मृत्यू झाला होता. ही घटना घडल्यानंतर धरणगाव पोलिसांनी धाव घेऊन जिल्हा शासकीय वैद्यकीय महाविद्यालयात सेवाविच्छेदन करून मृतदेह नातेवाईकांचा ताब्यात दिला.
