चोरीच्या सहा दुचाकींसह मध्यप्रदेशातील चोरटे जळगाव एमआयडीसी पोलिसांच्या जाळ्यात

Thieves in Madhya Pradesh with six stolen bikes in the net of Jalgaon MIDC police जळगाव : मध्यप्रदेशातील अट्टल दुचाकी चोरट्यांना जळगावातील एमआयडीसी पोलिसांनी अटक करीत त्यांच्याकडून एक लाख 75 हजार रुपये किंमतीच्या सहा चोरीच्या दुचाकी जप्त केल्या आहेत. अनोप धनसिंग कलम (कोरकू, 18, सुकवी थाना, खालवा, जिल्हा खंडवा, मध्यप्रदेश) व अंकीत सुकलाल ठाकुर (कोरकू, 22, अरविंद नगर, मुसाखेडी इंदौर, मध्यप्रदेश) अशी अटकेतील आरोपींची नावे आहेत.

गोपनीय माहितीवरून कारवाई
एमआयडीसी पोलीस निरीक्षक बबन आव्हाड यांना मध्यप्रदेशातील दुचाकी चोरट्यांबाबत माहिती मिळाल्यानंतर त्यांनी पथकाला निर्देश दिले. आरोपींना खंडवा कारागृहातून ताब्यात घेतल्यानंतर त्यांनी एमआयडीसी हद्दीतून सहा मोटारसायकली चोरी केल्याची कबुली दिल्यानंतर एक लाख 85 हजार रुपये किंमतीच्या दुचाकी जप्त करण्यात आल्या.