संच मान्यतेच्या नावाखाली मुख्याध्यापकही अतिरिक्त ठरविण्याचा शिक्षण विभागाचा घाट

The education department’s ghat to appoint additional principals in the name of batch approval भुसावळ : आतापर्यंत आपण शाळेतील शिक्षक व शिक्षकेतर कर्मचारीअतिरिक्त ठरत असल्याचे अनुभवास येत होते मात्र आता शाळेतील मुख्याध्यापक सुद्धा अतिरिक्त झाल्यास आश्चर्य वाटून घेवू नका, कारण नुकताच 15 मार्च 2024 रोजी शालेय शिक्षण व क्रीडा विभागाने संच मान्यतेचे सुधारित निकष या गोंडस नावाचा एक शासन निर्णय निर्गमित केला आहे. त्याच शासन आदेशात मुख्याध्यापकांचे पद अनुज्ञेय होण्यासाठी सुद्धा निकष दिले असल्याचे शिक्षण तज्ज्ञ प्र.ह.दलाल यांनी पत्रकान्वये कळवले आहे.

तरा मुख्याध्यापक ठरतील अतिरीक्त
येत्या शैक्षणिक वर्षापासून म्हणजे जून 2024-2025 पासून शासन निर्णयानुसार पद निश्चिती होईल. त्यातील तरतुदी नुसार आता माध्यमिक शाळेतील सर्व वर्गांची मिळून विद्यार्थी संख्या जर 150 पेक्षा कमी झाली तर त्या शाळेतील मुख्याध्यापक अतिरीक्त ठरेल. एका अर्थाने त्या शाळेत मुख्याध्यापक असणार नाही. या शासन निर्णयात असेही म्हटले आहे की, यापूर्वीचे या विषयाशी संबंधित म्हणजे शाळांतील मुख्याध्यापक, पर्यवेक्षक, शिक्षक व शिक्षकेतर कर्मचारी पद मान्यता ठरविणारे सर्व म्हणजे 28 ऑगस्ट 2015, 8 जानेवारी 2016, 2 जुलै 2016 व दि.01जानेवारी 2018 हे चारही शासन निर्णय या नव्या आदेशानुसार अधिक्रमित करण्यात आले आहेत. अतिरिक्त ठरविण्यासाठी आता 2024/2025 पासून हाच म्हणजे 15 मार्च 2024 चाच शासन निर्णय ग्राह्य धरण्यात येईल.