ईसीसच्या मोस्ट वॉण्टेड दोन दहशवाद्यांना मुंबईत अटक

मुंबई (18 मे2025) : 2023 मध्ये पुण्यात स्फोटक यंत्र तयार करण्याच्या गुन्ह्यात वॉण्टेड असलेल्या ईसीसच्या दोन मोस्ट वॉण्टेड दहशतवाद्यांना मुंंबईत अटक करण्यात आली आहे.

अब्दुल्ला फयाज शेख उर्फ डायपरवाला व तल्हा खान अशी अटकेतील आरोपींची नावे आहेत. दोघेही जकार्ता (इंडोनेशिया) येथे लपले होते. शुक्रवारी रात्री ते भारतात परतत असताना मुंबई आंतरराष्ट्रीय विमानतळाच्या टर्मिनल-2 वर इमिग्रेशन ब्युरोने त्यांना थांबवले आणि ताब्यात घेतले. यानंतर, एनआयएच्या पथकाने त्या दोघांना ताब्यात घेतले आणि अटक केली, असे तपास यंत्रणेने जारी केलेल्या निवेदनात म्हटले आहे.

दोघेही दोन वर्षांहून जास्त काळ फरार
दोन्ही आरोपी दोन वर्षांहून अधिक काळ फरार होते आणि मुंबईतील एनआयएच्या विशेष न्यायालयाने त्यांच्याविरुद्ध अजामीनपात्र वॉरंट देखील जारी केले होते. एनआयएने दोन्ही आरोपींवर प्रत्येकी 3 लाख रुपयांचे रोख बक्षीसही जाहीर केले होते. निवेदनात असेही म्हटले आहे की, हे प्रकरण या आरोपींनी रचलेल्या गुन्हेगारी कटाशी संबंधित आहे. तसेच ईसीसशी संबंधित पुणे ‘स्लीपर सेल’च्या आठ इतर सदस्यांना आधीच अटक करण्यात आली आहे. ते आधीपासूनच तुरुंगात आहेत.

देशविरोधी कारवाया केल्याचा आरोप
एनआयने म्हटले आहे की, या आरोपींनी भारतातील शांतता आणि सौहार्द बिघडवण्याच्या उद्देशाने दहशतवादी कारवाया करण्याचा कट रचला होता. आरोपींनी खडखडच्या अजेंड्यानुसार हिंसाचार आणि दहशतवादाच्या माध्यमातून देशात इस्लामिक राजवट प्रस्थापित करण्यासाठी भारत सरकारविरुद्ध युद्ध पुकारण्याचा कट रचला होता.

पुण्यात भाड्याने घर घेऊन बनवला ’बॉम्ब’
पुण्यातील कोंढवा येथे अब्दुल्ला फयाज शेख याने भाड्याने घेतलेल्या घरात आयईडी बनवण्यात हे दोघे जण सहभागी होते. 2022-23 या कालावधीत, आरोपींनी या ठिकाणी बॉम्ब बनवणे आणि प्रशिक्षण देण्याशी संबंधित कार्यशाळेचे आयोजन केले आणि त्यात भाग घेतला. याव्यतिरिक्त, त्यांनी तयार केलेल्या खएऊची चाचणी घेण्यासाठी नियंत्रित स्फोट देखील केला.