जळगाव (3 जून 2025) : लग्नाचे आमिष दाखवून बुलडाणा जिल्ह्यातील मेहकर तालुक्यातील तरुणाने फूस लावून सुरतच्या तरुणीवर जळगावात अत्याचार केला. याप्रकरणी जळगाव शहर पोलीस स्टेशनला तरुणीच्या फिर्यादीवरून गुन्हा दाखल करण्यात आला.
काय आहे नेमके प्रकरण?
सुरतमध्ये नोकरी करून 35 वर्षीय तरुणी उदरनिर्वाह करते. तिला बुलढाणा जिल्ह्यातील मेहकर तालुक्यात राहणार्या संशयित आरोपी विनोद शिवराम कुसळकर (35) याने 18 मे रोजी दुपारी साडेचार ते साडेपाच वाजेदरम्यान जळगावात रेल्वे स्टेशनजवळ असणार्या एका हॉटेलमध्ये नेले लग्नाचे आमिष दाखवून तिच्याशी बळजबरीने शारीरिक संबंध प्रस्थापित केले.
तरुणीने 1 जून रोजी रात्री 11. 42 वाजता फिर्याद दिल्यानंतर जळगाव शहर पोलीस स्टेशनला गुन्हा दाखल करण्यात आला.
