रोटरी क्लब भुसावळ रेल सिटीचा ‘जॉय ऑफ गिव्हिंग’ उपक्रम
भुसावळ : (18 जुलै 2025) : रोटरी क्लब भुसावळ रेल सिटीने दत्तक घेतलेल्या मुशाळ तांडा येथे अनेक समाज उपयोगी कार्यक्रम घेतले आहेत. नुकतेच जिल्हा परिषद शाळेतील गरजवंत विद्यार्थ्यांना शैक्षणिक साहित्य व खेळाचे साहित्य उपलब्ध करून देण्यात आले.
बुधवार, 16 जुलै रोजी रोटरी क्लब ऑफ भुसावळ रेल सिटीच्या सदस्यांनी सहभागातून विद्यार्थ्यांसाठी सर्व प्रकारचे शैक्षणिक साहित्य स्कूल बॅग, पाटी, पेन्सिल, वह्या, पॅड, कलर बॉक्स, कंपोक्स बॉक्स, पेन, पेन्सिल तसेच शाळेच्या कामकाजासाठी लागणारे कपाट तसेच विद्यार्थ्यांना खेळण्यासाठी खेळाचे साहित्य, खाऊ उपलब्ध करून दिले.
प्रोजेक्टचे चेअरमन सुमंत अग्रवाल व को.प्रोजेक्ट चेअरमन आकाश पाटील यांनी उत्कृष्ट नियोजन केले.
