गोदावरी नर्सिंग कॉलेजमध्ये अँटी-रॅगिंग सप्ताह समारोप
Anti-ragging week concludes at Godavari Nursing College जळगाव (23 ऑगस्ट 2025) : गोदावरी नर्सिंग कॉलेज, जळगाव येथे 12 ते 18 ऑगस्ट 2025 दरम्यान युथ अगेंस्ट रॅगींग या घोषवाक्यांतर्गत आणि युनिफॉर्म ऑफ हिलींग नॉट हर्टींग या शीर्षकासह अँटी-रॅगिंग सप्ताह विविध उपक्रमांनी साजरा करण्यात आला.
या सप्ताहाचा उद्देश विद्यार्थ्यांमध्ये अँटी-रॅगिंगविषयी जनजागृती करणे, आपुलकी व ऐक्य दृढ करणे आणि रॅगिंगमुक्त परिसराची उपलब्धता करून देणे असा होता.12 ऑगस्ट रोजी सप्ताहाचा शुभारंभ प्राचार्यांच्या स्वागतपर भाषणाने झाला. त्यांनी अँटी-रॅगिंग जनजागृतीचे महत्त्व स्पष्ट केले. प्रमुख अतिथी म्हणून उपस्थित असलेल्या डॉ. ललिता माधवर सपकाळे, सहा.प्रा.डॉ.उल्हास पाटील लॉ कॉलेज, जळगाव यांनी रॅगिंगचे कायदेशीर परिणाम यावर विद्यार्थ्यांना मार्गदर्शन केले.
कार्यक्रमात अँटी-रॅगिंग प्रतिज्ञा घेण्यात आली. 14 ऑगस्ट विद्यार्थ्यांनी पोस्टर मेकिंग स्पर्धा, रील्स मेकिंग स्पर्धा, रांगोळी आणि घोषवाक्य लेखन स्पर्धा यात उत्साहाने भाग घेतला.15 ऑगस्ट अँटी-रॅगिंग जनजागृती रॅली काढण्यात आली. विद्यार्थ्यांसह प्राध्यापक व स्वयंसेवकांनी सहभाग घेऊन समाजात रॅगिंगविरोधी संदेश पोहोचवला. त्यानंतर सीनियर-ज्युनियर संवाद मेळावा आयोजित करण्यात आला, 18 ऑगस्ट शेवटच्या दिवशी अँटी-रॅगिंगवर आधारित लघुपटाचे प्रदर्शन, विविध स्पर्धांतील विजेत्यांना प्रमाणपत्राचे वितरण करण्यात आले.
