Suicide of a young doctor in Phatlan : One accused arrested सातारा (25 ऑक्टोबर 2025) : हातावर सुसाईड नोट लिहित फलटणच्या डॉक्टर तरुणीने आत्महत्या केल्यानंतर पोलिसांनी आता एका आरोपीला अटक केली आहे. प्रशांत बनकर असे अटकेतील आरोपीचे नाव आहे.
पोलिस अधिकार्‍यासह दोघांवर गंभीर आरोप
एका महिला डॉक्टर तरुणीने पोलिस उपनिरीक्षक गोपाळ बदनेने चार वेळा अत्याचार केल्याचे तसेच प्रशांत बनकरने मानसिक छळ केल्याचा आरोप करीत गळफास घेत आत्महत्या केली होती व तत्पूर्वी हातावर सुसाईड नोट लिहिली होतीही घटना गुरुवारी रात्री साडेदहाच्या सुमारास घडली. या घटनेने संपूर्ण महाराष्ट्र हादरला आहे.
आत्महत्येपूर्वी डॉक्टर तरूणीने स्वतःच्या हातावर ’माझ्या मरण्याचे कारण पोलिस उपनिरीक्षक गोपाळ बदने असून, ज्याने चारवेळा माझ्यावर अत्याचार केला, तसेच प्रशांत बनकर याने चार महिने शारीरिक व मानसिक छळ केला,’ असे लिहून ठेवले आहे. याप्रकरणी फलटण शहर पोलिस ठाण्यात पोलिस उपनिरीक्षक गोपाळ बदने आणि प्रशांत बनकर यांच्यावर मानसिक व शारीरिक त्रास, तसेच लैंगिक अत्याचार गुन्हा दाखल आहे. याप्रकरणी पोलिस अधिकार्‍याला निलंबित करण्यात आले आहे. प्रशांत बनकरला पोलिसांनी अटक केल्यानंतर आता बदनेचा कसून शोध सुरू आहे.
मुख्यमंत्र्यांच्या आदेशानंतर गोपाळ बदने निलंबित
मुख्यमंत्री देवेंद्र फडणवीस यांनी संबंधित जबाबदार असलेल्या पोलिसांना तत्काळ निलंबित करावे, असे आदेश पोलिसांना दिले. त्या प्रकरणी पोलिसांनी कारवाई करत पोलिस उपनिरीक्षक गोपाळ बदनेला तत्काळ निलंबित केले असून तो पसार असल्याने त्याचा कसून शोध सुरू आहे.
