Former MLA Rajivdada Deshmukh bids farewell with tears in his eyes पाचोरा (25 ऑक्टोबर 2025) : चाळीसगावचे माजी आमदार तथा माजी जिल्हा बँक संचालक राजीव अनिल देशमुख यांचे 21 रोजी हृदयविकाराच्या तीव्र झटक्याने निधन झाले. त्यांच्या पार्थिवावर बुधवारी दुपारी एक वाजता काडी कारखान्याजवळील स्मशानभूमीत शोकाकुल वातावरणात अंत्यसंस्कार करण्यात आले. यावेळी हजारोंच्या जनसमुदायाने साश्रू नयनांनी अखेरचा निरोप दिला. अंत्यदर्शनासाठी मोठा जनसागर उसळला.
विविध मान्यवरांची उपस्थिती
यावेळी पालकमंत्री गुलाबराव पाटील, ग्रामविकास मंत्री गिरीश महाजन, मंत्री शंभुराजे देसाई, मंत्री संजय सावकारे, माजी मंत्री आमदार एकनाथराव खडसे, आमदार मंगेश चव्हाण, आमदार अनिल पाटील, गुलाबराव देवकर, माजी खासदार उन्मेष पाटील, राष्ट्रवादीचे जिल्हाध्यक्ष प्रमोद पाटील, आमदार अमोल पाटील,माजी मंत्री डॉ.सतिश पाटील, काँग्रेसचे जिल्हा अध्यक्ष प्रदीप पवार, जिल्हा बँकेचे चेअरमन संजय पवार यांच्यासह जिल्हा व राज्यभरातील पदाधिकारी उपस्थित होते.
