Pradeep Thakur from Chalisgaon wins state-level award at ‘My Festival’ चाळीसगाव (28 ऑक्टोबर 2025) : साक्री तालुक्यातील झिरणीपाडा येथे झालेल्या पाचव्या वार्षिक माय महोत्सवात कै.मालतीबाई नामदेव पवार यांच्या स्मरणार्थ सामाजिक कार्यासाठी देण्यात येणारा राज्यस्तरीय माय पुरस्कार चाळीसगाव येथील आदिवासी समाजातील जेष्ठ कार्यकर्ते तसेच आ.बं.मुलांच्या हायस्कूलमधील सेवानिवृत्त प्रयोग शाळा सहाय्यक प्रदीप (बाबा) ठाकूर यांना शनिवार, 25 ऑक्टोबर रोजी आदिवासी परंपरा व संस्कृतीच्या जतन संवर्धनासाठी कार्य करणार्या माय महोत्सवात प्रदान करण्यात आला.
या कार्यक्रमात आदिवासी संस्कृतीचे व पारंपरिक नृत्य, वेशभूषा, आदिवासी वाद्य, कसरतीचे खेळ आदींचे दर्शन झाले. प्रतिवर्षी या महोत्सवाचे आयोजन प्रवीण पवार हे करीत असतात, संपूर्ण आदिवासी समाज महिला पुरुष या महोत्सवात सहभागी होत असतात, हे पाचवे वर्ष होते.
यावेळी व्यासपीठातर्फे त्यांचा सन्मान जेष्ठ साहित्यीक तसेच कार्यक्रमाचे अध्यक्ष रावसाहेब कुंवर, लोककवी प्रशांत मोरे (मुंबई), कवी प्रवीण पवार (संस्थापक अध्यक्ष- माय महोत्सव), चित्रकार चेतन कुर्हाडे,चित्रकार कवी दिनेश चव्हाण आदींच्या उपस्थितीत शाल, श्रीफळ, मानचिन्ह, मानपत्र, पुस्तक संच आदी देऊन सन्मानित करण्यात आले.
प्रदीप ठाकूर यांना पुरस्कार मिळाल्याबद्दल आदिवासी ठाकूर समाज तसेच मित्रपरिवार तर्फे अभिनंदन होत आहे.
