अपर पोलिस महासंचालकांच्या स्पष्ट सूचना : भुसावळातील भाईगिरी, दादागिरी मोडून काढा
Additional Director General of Police’s clear instructions: Break the nepotism and bigotry in Bhusawal भुसावळ (31 ऑक्टोबर 2025) : शहरात दादागिरी, भाईगिरी करणार्यांना कायद्यानुसार धडा शिकवा अशा स्पष्ट शब्दात सूचना राज्याचे अपर पोलिस महासंचालक नवल बजाज यांनी गुरुवारी भुसावळात दिल्या. गुरुवारी सकाळी 10 वाजता त्यांनी डीवायएसपी कार्यालयाला भेट दिली. बेसिक पोलिसिंगवर भर देत गुन्ह्यांच्या तपासात अधिक गती व पारदर्शकता आणावी, असेही त्यांनी यावेळी अधिकार्यांना सांगितले.
प्रलंबित गुन्ह्यांचा आढावा
भुसावळ विभागातील दाखल, निकाली व प्रलंबित गुन्ह्यांचा आढावा बजाज यांनी घेत दप्तर तपासणी करून तपास प्रक्रियेबाबत मार्गदर्शन केले. सीसीटीव्ही कंट्रोल रूमची पाहणी करताना कॅमेर्यांची कार्यक्षमता तपासली. बाजारपेठ पोलिस ठाण्यात निरीक्षक राहुल वाघ यांच्याकडून माहिती घेतली. पोलिस अधीक्षक डॉ.महेश्वर रेड्डी, अपर अधीक्षक अशोक नखाते, डीवायएसपी संदीप गावीत उपस्थित होते.
