Tractor driver flees with stolen sand: Yaval police files case against two यावल (2 नोव्हेंबर 2025) : यावल तालुक्यातील डोंगरकठोरा रस्त्यावर आश्रम शाळा फाट्याजवळ वाळू चोरी करणारे ट्रॅक्टर ग्राममहसुल अधिकार्‍याने पकडले मात्र पंचनामा करून ट्रॅक्टर तहसीलमध्ये नेण्यास सांगितल्यावर ट्रॅक्टर घेवून दोघे पसार झाले. या प्रकरणी यावल पोलिसात दोन जणांविरूध्द गुन्हा दाखल करण्यात आला.
असे आहे प्रकरण
डोंगरकठोरा, ता.यावल या गावाच्या फाट्यापासून डोंगरकठोरा गावाकडे जाणार्‍या रस्त्यावर आश्रम शाळा फाटा आहे. या फाट्याजवळ एका ट्रॅक्टरमध्ये कुंदन शंकर कोळी (भालशीव, ता.यावल) हा वाळू चोरी करून नेत होता. त्याच्यासोबत ड्रायव्हर होता. ग्राम महसूल अधिकारी गजानन पाटील हे दाखल झाले आणि त्यांनी त्याच्याकडे वाळू वाहतुकीचा परवाना मागितला मात्र दोघांकडे परवाना नव्हता. पंचनामा करून ट्रॅक्टर हे तहसील कार्यालयात नेण्यास सांगितले असता या दोघांनी तेथुन थेट ट्रॅक्टर घेवून पळ काढला.
