तीर्थस्थळी निघालेल्या आठ भाविकांना रेल्वेने चिरडले
मृतदेहांचे झाले तुकडे : रुळ ओलांडत असताना अचानक कालका एक्सप्रेस आली
Eight devotees on their way to a pilgrimage site were crushed by a train मिर्झापूर (5 नोव्हेंबर 2025) : वाराणसीतील कार्तिक पौर्णिमा तीर्थस्थळी निघालेल्या भाविकांना अचानक आलेल्या कालका एक्स्प्रेसने धडक दिल्याने आठ भाविकांचा जागीच चिरडून मृत्यू झाला. धडक इतकी जोरदार होती की मृतदेहांचे अक्षरशः तुकडे झाले.
उत्तर प्रदेशातील मिर्झापूर येथे ही घटना घडली. या अपघातात अनेक जण जखमी झाले. या अपघातामुळे स्टेशनवर गोंधळ उडाला.
जखमींना जवळच्या रुग्णालयात दाखल करण्यात आले. अपघातात मृत्युमुखी पडलेले बहुतेक यात्रेकरू वाराणसीतील कार्तिक पौर्णिमा तीर्थस्थळी जात होते. बुधवारी सकाळी 9.30 वाजता चुनार रेल्वे स्थानकाच्या प्लॅटफॉर्म क्रमांक 3 वर हा अपघात झाला.
चोपनहून येणारी पॅसेंजर ट्रेन प्लॅटफॉर्म चार आल्यानंतर भाविक उतरले आणि रुळ ओलांडू लागले. ते प्लॅटफॉर्म तीन ओलांडून रुळावर येताच नानस्टॉप कालका एक्सप्रेस तिथून गेल्याने भाविक निघून जाण्यापूर्वीच त्यांना ट्रेनने धडक दिली. त्यांच्या मृतदेहांचे तुकडे झाले. तथापि, रेल्वेने अद्याप मृतांच्या संख्येबाबत कोणतीही अधिकृत माहिती जाहीर केलेली नाही.
मुख्यमंत्री योगी आदित्यनाथ यांनी अपघाताची दखल घेतली आहे. त्यांनी मृतांच्या कुटुंबियांबद्दल शोक व्यक्त केला आहे. मुख्यमंत्र्यांनी अधिकार्‍यांना तातडीने घटनास्थळी पोहोचून मदतकार्य जलद करण्याचे निर्देश दिले आहेत.
सहा महिलांचा मृत्यू झाल्याची पुष्टी
या अपघातात सहा महिलांचा मृत्यू झाल्याची पुष्टी झाली आहे. त्यात सविता (28), साधना (16), शिवकुमारी (12), अंजू देवी (20), सुशीला देवी (60) आणि कलावती देवी (50) यांचा समावेश आहे. सविता आणि साधना या बहिणी आहेत.
