12-year-old boy falls from tree while flying kite in Kingaon, critical यावल (5 नोव्हेंबर 2025) : यावल तालुक्यातील किनगाव या गावात चुंचाळे रस्त्यावर 12 वर्षीय अल्पवयीन मुलगा झाडवरून पतंग काढतांना कोसळला. यात त्यांच्या डोक्याला, पाठीला व उजव्या हातास जबर दुखापत झाली. यावल ग्रामीण रुग्णालयात या बालकावर प्रथमोपचार करून जळगाव हलवण्यात आले.
उजवा हात तुटला
किनगाव, ता.यावल या गावात चुंचाळे रस्त्यावरील इंदिरा नगर वस्ती आहे. या वस्तीतील रहिवासी राहुल दीपक बारेला (12) हा मुलगा चुंचाळे रस्त्यावरील शेतालगत असलेल्या झाडावर पतंग काढण्यासाठी चढला व नंतर तोल जावुन तो झाडावरून कोसळला. यात त्यांच्या डोक्याला जबर दुखापत झाली, पाठीचा कणा मोडला गेला व उजवा हातदेखील तुटला व तो रक्तबंबाळ अवस्थेत तेथे बेशुध्द पडला. त्यास यावल ग्रामीण रुग्णालयात दाखल केले. डॉ.प्रशांत जावळे, अधिपरिचारिका आरती कोल्हे, कादर तडवी यांनी बालकावर तत्काळ उपचार सुरू केले. त्याची प्रकृती गंभीर असल्याने त्यास पुढील उपचारार्थ जळगाव जिल्हा शासकिय वैद्यकिय महाविद्यालयाच्या रूग्णालयात हलवण्यात आले आहे.
