Combing in Muktainagar taluka : 15 accused in robbery including forced loot मुक्ताईनगर (8 नोव्हेंबर 2025) : नगरपालिका निवडणुकांचे पडघम वाजताच पोलिस प्रशासनाने उपद्रवींवर लक्ष केंद्रीत करीत धडक कारवाईचा सपाटा सुरू केला आहे. मुक्ताईनगर तालुक्यातील मधापुरी व लालगोटा भागात विविध आमिषे दाखवून फसवणूक करणार्या टोळी कार्यरत असल्याच्या पार्श्वभूमीवर पोलिसांनी शनिवारी मध्यरात्री कोम्बिंग राबवत 15 संशयीतांच्या मुसक्या आवळल्या. त्यातील दोन आरोपी दरोडासह लुटीच्या गुन्ह्यात वॉण्टेड असल्याने त्यांना अटक करण्यात आली तर अन्य 13 आरोपींविरोधात प्रतिबंधात्मक कारवाई करण्यात आली. जळगाव स्थानिक गुन्हे शाखा व स्थानिक मुक्ताईनगर पोलिसांच्या माध्यमातून कोम्बिंग राबवण्यात आले.
दरोड्यासह लुटीतील दोघांना बेड्या
कमलेश्वर ज्ञानेश्वर पाटील (45) व दीपमाला कमलेश पाटील (38, दोघेही रा.मधापुरी) यांना भारतीय न्याय संहित 310 (2) अन्वये मुक्ताईनगर पोलिसात दाखल . गुरनं 36/2025 मध्ये पसार असल्याने अटक करण्यात आली.
13 संशयीतांविरोधात प्रतिबंधात्मक कारवाई
चोरी तसेच दरोडासारख्या गुन्ह्यांचा रेकॉर्ड असलेल्या खालील 13 संशयीतांविरोधात भारतीय न्याय संहिता कलम 128 व 129 अन्वये प्रतिबंधात्मक कारवाई करण्यात आली. त्यात मधापुरी येथील रोहित ऊर्फ गुरुदास सुदेश पवार (25), क्रिश निशांत पवार (19), किसन दिनु पवार (21), नितेश रितेश पवार (30), आर्यमन जिन्नु पवार (19), गीता नागेश पवार (38) तसेच लालगोटा येथील धरमसिंग लखनसिंग भोसले (25), लखनसिंग युवराज भोसले (50), बाबुसिंग लखनसिंग भोसले (19), टोनी दर्शनलाल पवार (43), लकी टोनी पवार (22) व सदानंद टोनी पवार (25) तसेच हलखेडा येथील नयन सटा भोसले (25) यांच्यावर कारवाई करण्यात आली.
यांचा कारवाई मोहिमेत सहभाग
जळगाव पोलिस अधीक्षक डॉ.महेश्वर रेड्डी, अपर पोलिस अधीक्षक अशोक नखाते, मुक्ताईनगर उपविभागीय पोलिस अधिकारी सुभाष ढवळे यांच्या मार्गदर्शनाखाली जळगाव गुन्हे शाखेचे पोलिस निरीक्षक राहुल गायकवाड तसेच मुक्ताईनगर पोलिस निरीक्षक आशिशकुमार अडसुळ यांच्या नेतृत्वात सहाय्यक निरीक्षक व उपनिरीक्षक 130 पोलीस अंमलदार व चार आर.सी.पी.पथके सहभागी झाली.
