Constable caught while taking bribe of Rs 20000 गेवराई (8 नोव्हेंबर 2025) : अवैध वाळू वाहतुकीच्या प्रकरणातील आरोपीला मदत करण्यासह अटक टाळण्यासाठी 20 हजारांची लाच मागून ती स्वीकारताना गेवराईत पोलिस ठाण्यातील हवालदाराला बीड एसीबीने अटक केली आहे. ही कारवाई गेवराई शहरात शनिवारी पावणे सात वाजता करण्यात आल्यानंतर पोलिस वर्तुळात प्रचंड खळबळ उडाली. विजय दिगंबर आघाव असे अटकेतील पोलिस हवालदाराचे नाव आहे.
असे आहे लाच प्रकरण
शनिवारी सकाळीच गेवराई पोलिसांनी अवैध वाळू वाहतूक करणारे एक वाहन पकडत गुन्हा दाखल केला. या गुन्ह्यातील आरोपीला अटक न करण्यासाठी आणि तपासकामात त्याला मदत करण्यासाठी हवालदार विजय आघाव याने लाचेची मागणी केली होती. तक्रारदाराने या संदर्भात बीडच्या लाचलुचपत प्रतिबंधक विभागाकडे तक्रार केली.
