वागणुकीत सुधारणा न केल्यास जेलची खावी लागणार हवा : भुसावळात हिस्ट्रीशीटरांना पोलिस उपअधीक्षकांनी सुनावले
भुसावळ (9 नोव्हेंबर 2025) : डिसेंबरमध्ये होत असलेल्या निवडणुकीच्या पार्श्वभुमीवर पोलिस प्रशासनाने कंबर कसली आहे, निवडणूका शांत वातावरणात पार पडाव्या यासाठी पोलिस प्रशासनातर्फे कारवाई करण्याचे नियोजन सुरू आहे. शनिवारी येथील डीवायएसपी कार्यालयात शहर पोलिस ठाणे, बाजारपेठ पोलिस ठाणे आणि तालुका पोलिस ठाण्याच्या कार्यक्षेत्रातील हिस्ट्रीसीटरांची शाळा भरविण्यात आली. सर्व हिस्ट्रीसीटर यांना निवडणुकीच्या पार्श्वभुमीवर शांत राहाणे, उपद्रव बंद करणे, वाद विवाद टाळणे, दादागिरी बंद करणे, मतदान केद्राच्या परिसरात गोंधळ करणे बंद ठेवावे अन्यथा जेलची हवा खावी लागणार आहे, असा सज्जड दम डीवायएसपी संदीप गावीत यांनी दिला आहे.
कायद्यात रहाल तर फायद्याल रहाल : पोलिस उपअधीखक
भुसावळ डीवायएसपी कार्यालयात शनिवारी सकाळी 11 वाजता शहरासह ग्रामीण भागातील हिस्ट्रीसिटर यांना बोलविण्यात आले. . तिन्ही पोलिस ठाण्याच्या कार्यक्षेत्रातील हिस्ट्रीसिटर यांना पोलिसांनी सूचना करीत उपस्थित राहण्याच्या सूचना केल्या. त्यानुसार सकाळी 11 वाजेपासूनच डीवायएसपी कार्यालयात ते जमा झाले.. यावेळी डीवायएसपी संदीप गावीत यांनी आलेल्या प्रत्येक हिस्ट्रीसिटर यांची हजेरी घेतली. कोणावर आता काय गुन्हे आहे, हल्ली त्यांचा चरितार्थ काय सुरू आहे. ते काय काम धंदा करत आहे. त्याचे मित्र कोण आहे, गेल्या सहा महिन्यात कुठल्या पोलिस ठाण्यात गुन्हे दाखल आहे, कधीपासून गुन्हे दाखल नाही, अश्या विविध प्रश्नांची सरबत्ती त्यांच्यावर करण्यात आली.
निवडणुकीच्या काळात कोणीही गर्दी, गोंधळ करू नये, कुठल्याही इच्छूक उमेदवारांना दमबाजी करू नये, कोणावरही दादागिरी करू नये, असे आढळल्यास त्यांच्यावर थेट गुन्हे दाखल केले जातील, हिस्ट्रीसिटर यांनी त्यांच्यात सुधारणा करावी, अन्यथा त्याना जेलची हवा खावी लागेल असा इशारा दिला आहे.
यावेळी शहर, बाजारपेठ व तालुका पोलिस ठाण्यातील अधिकारी, कर्मचारी उपस्थित होते.
