मुंबई-छपरा दरम्यान चार विशेष गाड्या धावणार !
भुसावळ विभागातील प्रवाशांची होणार सोय
भुसावळ (9 नोव्हेंबर 2025) : प्रवाशांच्या वाढलेल्या गर्दीचा ताण कमी करण्यासाठी मध्य रेल्वेने लोकमान्य टिळक टर्मिनस, मुंबई ते छपरा या दरम्यान ज्ञिक्ष अतिरिक्त विशेष गाड्यांच्या फेर्‍या सुरू करण्याचा निर्णय घेतला आहे. नोव्हेंबर महिन्यात या विशेष गाड्या ठराविक दिवसांवर धावतील. भुसावळ विभागातील प्रवाशांना लांब पल्ल्याच्या प्रवासासाठी याचा मोठा लाभ होणार आहे.
लोकमान्य टिळक टर्मिनस – छपरा – लोकमान्य टिळक टर्मिनस या मार्गावर गाडी 05588, 05587 आणि 05590, 05589 या दोन जोडी विशेष गाड्या चालवल्या जाणार आहेत. 05588 विशेष गाडी रविवार, 9 नोव्हेंबर रोजी लोकमान्य टिळक टर्मिनसहून दुपारी 3.55 वाजता सुटून तिसर्‍या दिवशी पहाटे 1.45 वाजता छपरा येथे पोहोचेल. तसेच 05587 ही विशेष गाडी शुक्रवार, 7 नोव्हेंबर रोजी छपरा येथून रात्री 10.45 वाजता सुटून तिसर्‍या दिवशी दुपारी 1.40 वाजता लोकमान्य टिळक टर्मिनस येथे पोहोचेल. तसेच 95590 विशेष गाडी सोमवार, 10 नोव्हेंबर रोजी लोकमान्य टिळक टर्मिनसहून दुपारी 3.55 वाजता सुटेल.
05589 विशेष गाडी शनिवार, 8 नोव्हेंबर रोजी छपरा येथून रात्री 10.45 वाजता सुटेल. या गाड्या कल्याण, इगतपुरी, नाशिक रोड, भुसावळ, खंडवा, इटारसी, राणी कमलापती, बीना, वीरांगना लक्ष्मीबाई (झाशी), उरई, कानपुर सेंट्रल, ऐशबाग, बादशाहनगर, गोमतीनगर, बाराबंकी, गोंडा, बस्ती, गोरखपूर, देवरिया सदर आणि सिवान येथे थांबणार आहे.
