अभिनेते धर्मेंद्र यांच्या मृत्यूचे वृत्त खोटे ! माध्यमांमधील वृत्ताबाबत परिवाराची नाराजी
News of actor Dharmendra’s death is false! मुंबई (11 नोव्हेंबर 2025) : सिने अभिनेते धर्मेंद्र यांच्या प्रकृतीत बिघाड झाल्यानंतर त्यांना ब्रीच कँडी रुग्णालयात दाखल करण्यात आले होते, जिथे त्यांची प्रकृती स्थिर न झाल्याने त्यांना व्हेंटिलेटरवर ठेवण्यात आले आहे मात्र सोशल मिडीयासह माध्यमांवर धर्मेंद्र यांच्या मृत्यूची बातमी आल्यानंतर परिवाराने तीव्र नाराजी व्यक्त केली आहे.
कुटूंबाने व्यक्त केली तीव्र नाराजी
मीडिया पूर्णपणे खोट्या बातम्या पसरवत आहे. पप्पांची प्रकृती स्थिर आहे आणि ते बरे होत आहेत. आम्ही सर्वांना विनंती करतो की त्यांनी आमच्या कुटुंबाच्या गोपनीयतेचा आदर करावा. पप्पांच्या लवकर बरे होण्यासाठी प्रार्थना केल्याबद्दल धन्यवाद, असे इशा देवोलने म्हटली आहे.
हेमा मालिनी यांनीही नाराजी व्यक्त करीत जे घडत आहे ते अक्षम्य आहे. जबाबदार चॅनेल्स उपचारांना प्रतिसाद देत असलेल्या आणि बरे होणार्‍या व्यक्तीबद्दल खोट्या बातम्या कशा पसरवू शकतात? हे अत्यंत अनादरपूर्ण आणि बेजबाबदार वर्तन आहे. कृपया कुटुंबाचा आणि त्यांच्या गोपनीयतेच्या गरजेचा आदर करा.
मंगळवारी सकाळी धर्मेंद्र यांच्या निधनाची बातमी माध्यमांमध्ये आली. त्यानंतर संरक्षण मंत्री राजनाथ सिंह यांनी एक्सवर निधनाबद्दल शोक व्यक्त केला. तथापि, त्यांनी नंतर त्यांची पोस्ट डिलीट केली.
धर्मेंद्र यांच्या निधनाची बातमी मिळताच जावेद अख्तर यांनीही शोक व्यक्त केला.
देओल कुटुंबाच्या जवळच्या सूत्रांनी दिलेल्या माहितीनुसार, धर्मेंद्र यांच्या मुलींना परदेशातून मुंबईत बोलावण्यात आले आहे. काल रात्री सनी देओल रुग्णालयाबाहेर खूप भावनिक झाल्याचे दिसून आले, तर बॉबी देओल देखील ‘अल्फा’ चित्रपटाचे शूटिंग आटोपून मुंबईत परतले आणि ते आपल्या वडिलांना भेटले. सोमवारी रात्री उशिरा शाहरुख खान आणि सलमान खानसह अनेक बॉलिवूड सेलिब्रिटी ब्रीच कँडी रुग्णालयात पोहोचले.
