भुसावळात राखेने भरलेल्या डंपरला कंटेनरची जोरदार धडक ; कंटेनर चालक जखमी


Container hits dumper full of ash in Bhusavalta ; container driver injured भुसावळ (11 नोव्हेंबर 2025) : भुसावळ शहरालगत असलेल्या राष्ट्रीय महामार्गावर सोमवार, 10 रोजी दुपारी पावणे बारा वाजेच्या सुमारास रेल्वेच्या उड्डाण पुलाजवळ झालेल्या भीषण अपघातात कंटेनर चालक जखमी झाला.

असा घडला अपघात ?
राखेने भरलेला डंपर (क्र.एम.एच.20 ई.जी.3700) जळगावकडे जात असताना अचानक नादुरुस्त झाल्यामुळे महामार्गावर उभा होता. त्याचवेळी भुसावळकडून जळगावकडे वेगात जाणारा कंटेनर (टी.जी
07 यू 7584) या उभ्या डंपरवर मागून जोरदार धडकला. धडकेचा आवाज एवढा मोठा होता की आसपासच्या परिसरात काही वेळ गोंधळ उडाला.






या अपघातात कंटेनरच्या समोरील भागाचा चक्काचूर झाला असून चालक कॅबीनमध्ये अडकला. नागरिकांनी तत्परतेने मदतीचा हात देत चालकाला बाहेर काढले. त्याच्या पायाला गंभीर दुखापत झाली. अपघाताची माहिती मिळताच महामार्ग प्राधिकरण विभागाचे पथक आणि शहर पोलिस तत्काळ घटनास्थळी दाखल झाले. त्यांनी रुग्णवाहिकेच्या सहाय्याने जखमी चालकाला जळगाव येथील शासकीय रुग्णालयात उपचारासाठी रवाना केले.

अपघातामुळे काही काळ महामार्गावरील वाहतूक ठप्प झाली मात्र महामार्ग पथक आणि पोलिसांनी वाहतूक सुरळीत केली. अपघातात कंटेनरचे मोठ्या प्रमाणात नुकसान झाले., डंपरचेही मागील बाजूने नुकसान किरकोळ स्वरूपात झाले. जखमी चालकाचे नाव अद्याप समजू शकले नसून पोलिसांनी या अपघाताचा पंचनामा करून पुढील तपास सुरू केला आहे.



मेहनत कर, मेहनत ! कॉपी पेस्ट करू नको !