यावल पोलिसांची गावठी दारूविरुद्ध वॉश आऊट मोहिम
तीन गावात कारवाई : तिघांविरुद्ध गुन्हा दाखल
Yaval police’s village washout campaign against alcohol यावल (13 नोव्हेंबर 2025) : यावल पोलिस ठाण्याच्या हद्दीत पोलीस निरिक्षक रंगनाथ धारबळे यांच्या मार्गदर्शनाखाली पोलिसांनी ऑपरेशन वॉश आऊट राबवले. या अंतर्गत तीन गावांमध्ये धडक कारवाई करीत 55 लिटर गावठी हातभट्टीची दारू पकडण्यात आली. या प्रकरणी तीन जनाविरुद्ध गुन्हा दाखल करण्यात आला. या कारवाईमुळे गावठी हातभट्टी दारू विक्री करणार्यांमध्ये खळबळ उडाली.
तीन ठिकणी कारवाई
आगामी स्थानिक स्वराज्य संस्थेच्या निवडणुकीच्या पार्श्वभूमीवर ग्रामीण भागात ऑपरेशन वॉश आऊट अंतर्गत गावठी हातभट्टी करणार्यांवर कारवाईसाठी विशेष मोहिम राबवण्यात आली. यामध्ये शिरसाड गावात अरुण जगन्नाथ भालेराव हे साकळीकडे जाणार्या रस्त्यावर एका कॅनमध्ये 15 लिटर गावठी दारू विक्री करण्याच्या उद्देशाने बसले होते. त्यांना पकडण्यात आले व त्यांच्याविरुद्ध महाराष्ट्र दारूबंदी अधिनियम कलम 65 ई प्रमाणे गुन्हा दाखल करण्यात आला.
त्याचप्रमाणे डांभुर्णी या गावात डोणगाव जाणार्या रस्त्यावर पिंपळाच्या झाडाखाली चेतन मनोहर धनगर हा 30 लिटर गावठी दारू एका कॅन मध्ये घेऊन विक्री करण्याच्या उद्देशातून बसला होता. त्याला देखील पोलिसांनी पकडले.
सांगवी बुद्रुक गावात देखील भारतरत्न डॉ. बाबासाहेब आंबेडकर यांच्या कमानीच्या जवळ मरीमाता मंदिराच्या आडोशाला आनंद वसंत तायडे हा एका कॅन मध्ये 10 लिटर गावठी दारू विक्री करण्याच्या उद्देशातून बसलेला होता. त्याला देखील पकडण्यात आले व या तिघांविरुद्ध यावल पोलीस ठाण्यात गुन्हा दाखल करण्यात आला.
ही कारवाई पोलिस निरीक्षक रंगनाथ धारबडे यांच्या मार्गदर्शनाखाली पोलिस हवालदार सागर कोळी, उमेश सानप, योगेश खोंडे, किशोर परदेशी, जाकीर तडवी, रोहील गणेश आदींच्या पथकाने केली.
