वढोदा येथील गोदामातून महागडी चारचाकी लांबवली
Expensive four-wheeler seized from warehouse in Vadodara यावल (14 नोव्हेंबर 2025) : यावल तालुक्यातील वढोदा येथे अंकलेश्वर-बर्हाणपूर राज्य मार्गावर असलेल्या हिंदुस्तान पेट्रोलियम कॉर्पोरेशनच्या जय गॅस एजन्सीच्या गोदामातून दोन लाख रुपये किंमतीची चारचाकी लांबवण्यात आली. हा प्रकार बुधवारी सकाळी निदर्शनास आला. याप्रकरणी यावल पोलिसात अज्ञात चोरट्याविरुद्ध चोरीचा गुन्हा दाखल करण्यात आला.
अशी झाली चोरी
वढोदा, ता.यावल या गावात अंकलेश्वर-बर्हाणपूर राज्य मार्गावर हिंदुस्तान पेट्रोलियम कॉर्पोरेशनच्या जय गॅस एजन्सीचे गोदाम आहे. या गोदामात सुपर कॅरी वाहन (क्रमांक एम. एच. 19 सी. वाय. 8381) हे लावले होते मात्र बुधवारी सकाळी गोडाऊनचे व्यवस्थापक डिगंबर भगवान फेगडे हे तेथे गेले असता गेटचे कुलूप तुटलेले आढळले तर वाहनाची चोरी झाल्याचे लक्षात आले. या प्रकरणी यावल पोलिसात डिगंबर फेगडे यांच्या फिर्यादीवरून अज्ञात चोरट्याविरुद्ध चोरीचा गुन्हा दाखल करण्यात आला. तपास पोलिस निरीक्षक रंगनाथ धारबळे यांच्या मार्गदर्शनाखाली हवालदार सुनील पाटील करीत आहे.





