भुसावळातील प्रभाग क्रमांक 9 च्या विकासाचे व्हिजन मांडत राष्ट्रवादीच्या उमेदवार ममता डागोर यांच्या प्रचारार्थ निघाली रॅली
भुसावळ (23 नोव्हेंबर 2025) : प्रभागातील मूलभूत समस्यांचे तातडीने निराकरण व प्रभागाचा चौफेर विकासाची धमक असल्यानेच पक्ष श्रेष्ठींनी आपल्याला राष्ट्रवादी अजित पवार गटातर्फे उमेदवारी मिळाली असल्याचे प्रभाग 9 ब मधील उमेदवार ममता अजय डागोर म्हणाल्या. उमेदवाराच्या प्रचारार्थ सोमवारी सकाळी समर्थकांनी जोरदार प्रचार रॅली काढली. या रॅलीत उमेदवाराचे पती व समाजसेवक अजय कुमार डागोर यांची उपस्थिती होती.
रॅलीचे ठिकठिकाणी स्वागत
प्रभाग क्रमांक 9 ब मधील उमेदवार ममता डागोर यांच्या प्रचारार्थ समर्थकांनी प्रचाराची धूरा आपल्या हातात घेत जोरदार प्रचार सुरू केला आहे. सकाळी व सायंकाळी दोन टप्प्यात उमेदवार समर्थक प्रत्येक मतदारांच्या दारी जावून त्यांना विकासाचे व्हिजन सांगत त्यांच्या समस्याही ऐकून घेत आहेत.
नगरपालिका निवडणुकीत जनतेचा आशीर्वाद निश्चितपणे आपल्या सोबत असून निवडून आल्यानंतर नागरिकांच्या समस्या सोडवण्यास आपले प्रथम प्राधान्य असेल, अशी ग्वाही भुसावळातील प्रभाग क्रमांक 9 ब मधून राष्ट्रवादी अजित पवार गटातर्फे रिंगणात असलेल्या ममता अजय डागोर यांनी दिली. प्रभागाशी मूळात त्यांची यापूर्वीपासून त्यांची नाळ जुळली आहे. निवडणुकीनिमित्ताने त्यांनी पुन्हा संपर्क जोमात वाढवत प्रचारात वेग घेतला आहे. सकाळी व सायंकाळी त्यांच्या समर्थकांतर्फे तसेच समाजसेवक असलेले पती अजय डागोर यांच्या माध्यमातून प्रभागात जोरदार प्रचार केला जात आहे.
