गरजूंना घरकुलासह शासकीय योजनांचा लाभ मिळवून देणार : प्रभाग क्रमांक नऊमधील राष्ट्रवादीच्या उमेदवार ममता डागोर यांची ग्वाही
भुसावळ (27 नोव्हेंबर 2025) : शासनाच्या विविध योजना असल्यातरी त्या जनतेपर्यंत पोहोचत नाही मात्र प्रभागातील नागरिकांनी आपल्याला संधी दिल्यास या योजनांचा प्रचार प्रसार करून नागरिकांना त्याचा लाभ मिळवून देण्यासह शासन निकषात बसणार्‍या गरजूंना घरकुल मिळवून देण्यासाठी प्रयत्न करणार असल्याची ग्वाही भुसावळ शहरातील प्रभाग क्रमांक 9 ब मधील राष्ट्रवादी अजित पवार गटाच्या उमेदवार ममता अजय डागोर यांनी दिली.
उमेदवार ममता डागोर यांच्यासह त्यांचे पती समाजसेवक अजय कुमार डागोर, कार्यकर्ते प्रभागातील मतदारांच्या प्रत्यक्ष दारी जावून त्यांच्याशी संवाद साधत आहेत. मतदारांनी संधी दिल्यास निश्चितपणे प्रभागाचा चौफेर विकास करू, अशी ग्वाही उमेदवार ममता डागोर यांनी यावेळी बोलताना दिली.
शासन योजनांच्या लाभासह घरकुलासाठी प्रयत्न करणार
शासनाच्या गरजूंसाठी विविध योजना आहेत मात्र त्या योजनांचा लाभ मिळवण्याबाबत नागरिकांना योग्य मार्गदर्शन नसल्याने लाभार्थी या योजनांच्या लाभापासून वंचित राहतात मात्र आपल्याला मतदारांनी संधी दिल्यास निश्चितपणे या योजनांचा गरजूंना लाभ मिळवून देवू तसेच निकषात बसणार्‍या लाभार्थींना शासनाकडून घरकूलाचा लाभ
वधा
संपूर्ण प्रभाग पिंजून काढला
राष्ट्रवादी अजित पवार गटातील उमेदवार ममता डागोर व त्यांच्या समर्थकांनी संपूर्ण प्रभाग 9 पिंजून काढला आहे. या प्रभागातील महात्मा फुले नगर, काशीराम नगर, भारत नगरातील प्रत्येक मतदाराच्या दारी उमेदवारासह कार्यकर्ते जावून समस्या जाणत आहेत शिवाय संधी मिळाल्यानंतर प्रत्येक समस्यांचे निराकरण करण्याची ग्वाही देत आहेत.
डोअर टू डोअर प्रचार
प्रभाग क्रमांक 9 ब मधील राष्ट्रवादी अजित पवार गटाच्या उमेदवार ममता डागोर यांच्या प्रचारार्थ त्यांचे पती व समाजसेवक अजय कुमार डागोर यांनी प्रचाराचे अत्यंत सुक्ष्म नियोजन केले आहे शिवाय कार्यकर्त्यांनीदेखील प्रचाराची धूरा आपल्या हातात घेत जोरदार प्रचार सुरू केला आहे. सकाळी व सायंकाळी दोन टप्प्यात उमेदवार समर्थक प्रत्येक मतदारांच्या दारी जावून त्यांना विकासाचे व्हिजन सांगत त्यांच्या समस्याही ऐकून घेत आहेत.
विजय आपलाच होणार :ममता डागोर
नगरपालिका निवडणुकीत जनतेचा आशीर्वाद निश्चितपणे आपल्या सोबत असून निवडून आल्यानंतर नागरिकांच्या समस्या सोडवण्यास आपले प्रथम प्राधान्य असेल, अशी ग्वाही भुसावळातील प्रभाग क्रमांक 9 ब मधून राष्ट्रवादी अजित पवार गटातर्फे रिंगणात असलेल्या ममता अजय डागोर यांनी दिली. प्रभागातील नागरिकांशी आपण कनेक्ट असून जनमताचा कौल आपल्यालाच मिळणार असल्याचा विश्वास त्यांनी व्यक्त केला.
या भागात प्रचार दौरा
राष्ट्रवादी अजित पवार गटाच्या उमेदवार ममता डागोर यांच्या प्रचारार्थ महात्मा फुले नगर, काशीराम नगर, भारत नगर भागात कार्यकर्त्यांनी नुकतीच प्रचार फेरी काढली. यावेळी रंजीत महाराज कच्छवे, कैलास मट्टू, नितीन करोसिया, किरण सरपटे, दीपक कच्छवे व पदाधिकारी व कार्यकर्ते सहभागी झाले. यावेळी उमेदवाराचे पती अजय डागोर व कार्यकत्यांनी देखील प्रभागातील मतदारांच्या गाठीभेटी घेवून त्यांच्या हितगुज साधून विकासाचे व्हिजन मांडत आहेत.
