विकासाची धमक असलेल्या अमोल इंगळेंसह ज्योती सोयंकेंना जनमताचा कौल : प्रचार रॅलीत कार्यकर्त्यांचा विश्वास
शिंदे गटाचे उमेदवार अमोल इंगळे व ज्योती सोयंके यांच्या प्रचारार्थ रॅली
भुसावळ (28 नोव्हेंबर 2025) : विकासकामे करण्याची धमक व पालिका सभागृहात जनहिताच्या प्रश्नांना मांडून हे प्रश्न मार्गी लावण्याची ताकद माजी नगरसेवक अमोलभाऊ इंगळे यांच्यात आहे, यापूर्वीदेखील त्यांनी विविध कामे केल्याने जनमताचा कौल त्यांच्या बाजूनेच असेल, असा आशावाद शिंदे गटातील कार्यकर्त्यांनी प्रचार रॅली प्रसंगी व्यक्त केला.
भुसावळ नगरपालिका निवडणुकीतील प्रभाग क्रमांक एकमधील शिवसेना एकनाथ शिंदे गटाचे उमेदवार व माजी नगरसेवक अमोल इंगळे यांच्यासह ज्योती लक्ष्मण सोयंके यांच्या प्रचारार्थ प्रभागातील गणपती नगर, शांतीनाथ नगर, इंद्रप्रस्थ नगर भागात प्रचार रॅली काढॅन मतदारांच्या गाठीभेटी घेण्यात आल्या. याप्रसंगी रॅलीचे सर्वदूर झालेले स्वागत पाहून कार्यकर्त्यांचा उत्साह वाढला होता.
निश्चितपणे समस्यांचे निराकरण करणार
यावेळी उमेदवारांनी मतदारांशी संवाद साधताना त्यांच्या काही समस्या जाणल्या व नगरसेवक पदाची संधी मिळाल्यानंतर त्यांचे निराकरण करण्याची यावेळी ग्वाही दिली. मतदारांचा वाढता प्रतिसाद पाहता निश्चितपणे निवडणुकीत आम्ही विजयी होवू, असा विश्वास दोन्ही उमेदवारांनी यावेळी व्यक्त केला.
प्रभागाचा विकास हाच ध्यास
प्रभाग एकमधील सर्वच कॉलनी भागात शिंदे गटाच्या दोन्ही उमेदवारांनी संपर्क वाढवला आहे. उमेदवारांसह त्यांचे समर्थक त्यांची भेट घेत असून त्यांच्या समस्या जाणून घेत आहेत. मतदारांनी संधी दिल्यास निश्चितपणे समस्या सोडवण्याची ग्वाही यावेळी उमेदवार भेटीप्रसंगी देत आहेत. ठिकठिकाणी उमेदवारांचे उत्स्फूर्तपणे स्वागत करण्यात आले.
