नशिराबाद पोलिसांची कामगिरी : सराईत गुन्हेगार गावठी कट्ट्यासह जाळ्यात

Nashirabad Police Action: Hardened Criminal Nabbed with Country-made Pistol भुसावळ (20 एप्रिल 2026) : पोलिसांच्या रेकॉर्डवरील सराईत गुन्हेगार नशिराबादच्या बसस्थानक भागात आल्याची माहिती नशिराबाद पोलिसांना मिळाल्यानंतर त्यांनी संशयीताला ताब्यात घेत कट्टा जप्त केला. या प्रकरणी संशयीत कमलाकर प्रभाकर महाजन ( 36, रा.वरची अळी, नशिराबाद) यास अटक करण्यात आली.

गोपनीय माहितीवरून कारवाई
नशिराबाद बस स्टॅण्ड परिसरात कमलाकर प्रभाकर महाजन हा सराईत आरोपी स्वतःकडे कट्टा बाळगून दहशत निर्माण करत असल्याची गुप्त माहिती सहायक पोलीस निरीक्षक योगीता नारखेडे यांना रविवार, 19 एप्रिल 2026 रोजी मिळाल्यानंतर त्यांनी तत्काळ कारवाईचे आदेश दिले. पोलिसांच्या पथकाने सापळा रचून रात्री 7.30 वाजेच्या सुमारास कमलाकर महाजन यास शस्त्रासह ताब्यात घेत गुन्हा दाखल केला. तपास पोलीस हेड कॉन्स्टेबल राजेंद्र ठाकरे करीत आहेत.