श्रीराम मंदिरासाठी जिल्ह्यातील दोन लाख घरांशी संपर्क

जिल्ह्यात श्रीराम मंदिर निधी समर्पण समिती स्थापन

भुसावळ : समस्त भारतीयांचे आराध्यदैवत व आदर्श असलेल्या मर्यादा पुरुषोत्तम श्रीरामांच्या जन्मभूमीवर भव्य मंदिर उभारणीचे आंदोलन आता अंतीम विजयी टप्यात आले आहे. सर्वोच्च न्यायालयाचा ऐतिहासिक निकाल आणि त्यानंतर झालेल्या भूमीपूजन समारंभानंतर आता मंदिर निर्माणकार्याला सुरवात झाली आहे. या भव्य मंदिराच्या निर्माणाच्या कार्यात अधिकाधिक रामभक्तांचे योगदान झाले पाहिजे यासाठी येत्या मकरसंक्रांती पासून एक महिन्यात विशेष अभियान घेण्यात येणार असून संघ दृष्ट्या भुसावळ जिल्ह्यात २ लाख घरांशी संपर्क साधून त्यांच्या कडून खारीचा वाटा जमा करण्यात येणार आहे. अयोध्येतील श्रीराम मंदिर निर्माणासाठी सर्वोच्च न्यायालयाच्या निर्देशानुसार सरकारने स्थापण केलेल्या श्रीराम जन्मभूमी तीर्थक्षेत्र न्यासाच्या वतीने अयोध्येतील नियोजित जागेत भूमिपूजन सर्व ट्रस्टी व धर्माचार्य यांच्या इच्छेनुसार पंतप्रधानांच्या हस्ते करण्यात आले. भव्य मंदिराची उभारणी करताना त्यात देशातील गावोगावच्या अधिकाधिक नागरिकांचे योगदान व्हावे आणि त्यांच्या भावना जोडल्या जाव्यात या हेतूने येत्या मकर संक्रांति पासून महिनाभरात घरोघरी जावून रामभक्त कार्यकर्ते निधी समर्पण जमा करणार आहेत. जमेल तेवढा निधी प्रत्येक कुटुंबाला समर्पित करता यावा यासाठी दहा, शंभर व हजार रुपयांची कुपन्स कलेक्ट असेल तर काढण्यात आली असून त्यावर असलेले नियोजित श्रीराममंदिराचे आकर्षक चित्रही त्या कुपन मुळे घरोघरी जाणार आहे. या अभियानासाठी आजवर जिल्हा व तालुका पातळीवर कार्यकर्त्यांच्या बैठका पार पडल्या आहेत. त्यामध्ये आठ तालुक्यातील ९७१ संख्या उपस्थिती होती आणि यापुढे अभियान सुरू होण्याआधी वस्तीशः व गावश: बैठका घेण्यात आल्या व आणखी घेणार आहेत. या अभियानात भुसावळ जिल्ह्यातील २ लाख कुटुंबांपर्यंत संपर्क करण्यात येणार आहे. यात हजारो कार्यकर्ते सहभागी होणार आहेत. हे अभियान भुसावळ जिल्ह्यात १४ जानेवारी पासून १५ फेबुवारीपर्यंत चालणार आहे. या अभियानाच्या आधी तयारीसाठी मराठवाडा आणि खानदेशात सात ठिकाणी धर्माचार्य संमेलन होणार आहेत. ३ जानेवारी ते ११ जानेवारी दरम्यान विविध भागात ही संमेलने होणार आहेत. या संमेलनामध्ये त्या त्या भागातील धर्माचार्य सहभागी होतील. अभियानकाळात या धर्मचार्यांच्या उपस्थितीत कोरोना काळातील संखेची मर्यादा पाळून शंभर ते दीडशे लोकांचे मेळावे घेण्यात येतील. या मेळाव्यात भजन, कीर्तन, प्रसादवाटप असे स्वरूप असेल.

संपर्क अभियान देशभर