भुसावळातील मूलभूत समस्या मार्गी लागणार !

हॉकर्स झोन तयार करणार
छोटे व्यावसायीक आणि अतिक्रमणधारकांसाठी आठवडे बाजारात हॉकर्स झोन तयार करून त्यांना पर्यायी जागा दिली जाणार असल्याचे देखील मुख्याधिकारी म्हणाले. घनकचरा विल्हेवाटीसाठी आयटीआय जवळ चोरवड सब स्टेशनच्या मागे जागा निश्चित केली जाणार असल्याची माहिती चिद्रवार यांनी देत भुसावळचा रींग रोड जमीन अधिग्रहणाचा प्रश्न नगररचना विभागाकडून मार्गी लावला जाणार आहे. अमृत योजना पूर्णत्वास येण्यासाठी अजून सुमारे दोन ते अडीच वर्षे लागणार असल्याने आता अस्तित्वात असलेली पाणी पाणीपुरवठा योजना वेळेवर चार ते पाच कोटी रुपये खर्चून लोकांना मुबलक पाणीपुरवठा केला जाईल, असे सांगितले. नगरपालिकेची पाणीपट्टी वसूल करण्यासाठी सर्वसामान्य जनतेला वेठीस धरले जाणार नाही जे मोठे-मोठे थकबाकीदार आहेत व सुमारे आठ ते दहा वर्षांपासून त्यांच्याकडून वसुली करण्यासाठी त्रीसदस्यीय समिती गठीत करून नगरपालिकेची वसुली वाढवली जाणार आहे त्यातून विविध विकासकामांना गती देण्यात येईल यापुढे शहरात नगरपालिकेची अधिकृत परवानगी घेऊन रीतसर किरकोळ वसुलीचे पैसे भरल्याशिवाय कोणतेही ब्लॅकबोर्ड लावू दिले जाणार नाही. या सर्व मागण्या यांनी मान्य केल्या.

यांची होती उपस्थिती
चर्चेच्या प्रसंगी रावेर लोकसभा मतदारसंघाचे जिल्हा संघटक विलास मुळे, उपजिल्हाप्रमुख अ‍ॅड.श्याम श्रीगोंदेकर यांनी चर्चेत भाग घेतला उपजिल्हा प्रमुख प्रा.उत्तम सुरवाडे यांनी प्रलंबित प्रश्नांची मांडणी शिष्टमंडळासमवेत याप्रसंगी मुख्याधिकार्‍यांकडे केली. विधानसभा क्षेत्र प्रमुख संतोष सोनवणे, शहर प्रमुख निलेश महाजन, शहर प्रमुख बबलू मराठे, जग्गू खेराडे योगेश बागुल यांच्या निवेदनावर स्वाक्षर्‍या असल्याची शिवसेना मध्यवर्ती कार्यालयातून प्रसिद्धीप्रमुख गोकुळ बाविस्कर यांनी कळविले आहे.