अमळनेरातील माजी नगरसेवकांसह अनेकांचा प्रहार जनशक्ती पक्षात प्रवेश

लोकप्रतिनिधींना धक्का : राज्यमंत्री बच्चू कडू यांच्या उपस्थितीत केला प्रवेश

मुंबई : मुंबई येथे प्रहार जनशक्ती पक्षाचे संस्थापक अध्यक्ष बच्चूभाऊ कडू यांच्या प्रमुख उपस्थितीत व प्रहार जनशक्ती पक्षाचे प्रदेशाध्यक्ष अनिलजी गावंडे, प्रहार जनशक्ती पक्षाचे उत्तर महाराष्ट्र अध्यक्ष अनिल चौधरी यांच्या पुढाकाराने अमळनेर येथील माजी नगरसेवक गुलाबबापू पाटील यांच्यासह प्रमुख नेते पदाधिकारी व कार्यकर्त्यांनी प्रहार जनशक्ती पक्षात प्रवेश केला. राज्यमंत्री बच्चूभाऊ कडू म्हणाले प्रहार जनशक्ती पक्ष हा कार्यकर्त्यांना बळ देणारा, आधार देणारा, पाठिंबा देणारा पक्ष आहे. अध्यक्ष या नात्याने सर्वांचे स्वागत करतो. प्रहार पक्षाचे काम जोमाने, असेही ते म्हणाले.

गोर-गरीबांसाठी झटणार : अनिल चौधरी
प्रहार पक्षाचे उत्तर महाराष्ट्र अध्यक्ष अनिल चौधरी म्हणाले की, जळगाव जिल्ह्यात अनेक प्रश्न आहेत. पक्षात नव्याने आलेल्या सहकार्‍यांच्या मदतीने आता ते प्रश्न सोडवण्यासाठी आपण एकत्रीतरीत्या काम करू. गरज पडली तर लढाही देऊ शिवाय गोर-गरीबांच्या सेवेसाठी झटणार असल्याचे ते म्हणाले.