भुसावळातील टिंबर मार्केटला जोडणार्‍या रस्त्याखाली ड्रेनेजची मागणी

आराधना कॉलनीत ड्रेनेजची मागणी
शहरासाठी महत्वपूर्ण असलेला आराधना कॉलनी- टिंबर मार्केटला जेाडणारा बोगदा तयार झाला आहे,मात्र पाण्याचे ड्रेनेज काढलेले नाही, त्यामुळे पुलाखाली जणू तलाव साचत आहे, रात्रीच्या वेळी मोठ्या प्रमाणावर अंधार राहात असतो, त्यामुळे पाऊस नसतांना नागरीकांना अंधारातून येणे-जाणे करावे लागते, त्यासाठी बोगद्यात लाईटाची व्यवस्था करावी, तसेच लेाखंडी पूलाजवळ बांधण्यात आलेली संरक्षण भिंत अपूर्ण असल्याने तेथून अवैध खाद्य पदार्थ विक्रेत्यांचा वापर सुरू असल्याने तेथेे भिंत तत्काळ पूर्ण करावी, रेल्वे स्थानकावर येण्या जाण्याचे दोन्ही मार्ग सुरू करून प्रवाशांची होणारी गैरसोय दूर करावी यावर आमदार संजय सावकारे यांनी चर्चा केली. वरणगाव येथील सिध्देश्वर नगरसजवळ आरयुबी तयार करण्यावर डीआरएम यांच्याशी उपस्थितांची चर्चा झाली.

रेल्वेच्या ‘त्या’ जागेवर वर्कशॉप
वरणगाव येथील पादचारी पूलाचे अर्धवट काम झाले असून ते काम पूर्ण करण्यात यावे अशी मागणी करण्यात आली तसेच रेल्वेने अतिक्रमण काढले मात्र त्या जागेवर एकही प्रकल्प नसल्याचे छेडले असता त्या जागेवर मेमू गाडीचे वर्कशॅाप सुरू केले जात आहे. त्याची निवीदा प्रक्रीया झाली आहे, प्रत्यक्ष कामास लवकरच सुरूवात केली जाईल, असे डीआरएम केडीया म्हणाले. पाचेारा-जामनेर मार्गाविषयी सर्व्हेक्षण सुरू असल्याचे डीआरएम म्हणाले. स्टेशन रस्त्याची दुरवस्थाच झाल्याने पालिका व रेल्वे प्रशासनाने निधी खर्च करून कामे करावे, असे आमदार संजय सावकारे यांनी सांगितले.