मयत तरुणी विवाहासाठी आग्रह धरल्याने आरोपीने केला खून : गुजरातमधून आरोपीला अटक
नंदुरबार : नंदुरबार गुन्हे शाखेला ऑगस्ट महिन्यात झालेल्या अनोळखी तरुणीच्या खुनाचा उलगडा करण्यात यश आले आहे. या खुनातील आरोपीस गुजरात राज्यातून अटक करण्यात आली. विनयकमार रामजनम राय (38, रा.खमहौरी, राजापर, ता.राजगंज, जि.सिवन, बिहार) असे अटकेेतील आरोपीचे नाव आहे
शहर पोलिसात दाखल होता गुन्हा
गत महिन्यात 26 ऑगस्ट रोजी बिलाडी, ता.नंदुरबार शिवारातील गट क्र. 498 च्या शेताच्या बांधाजवळील रेल्वे ट्रॅकजवळ झाडाझुडपात एक अनोळखी तरुणीचा मृतदेह आढळला होता. मृत तरुणीचा एक हात धडापासून वेगळा पडलेला होता व एका हातावर तीक्ष्ण हत्याराने झालेल्या जखमेच्या खुणाहोत्या. नंदुरबार शहर पोलीस ठाण्याचे पोलीस उप निरीक्षक गणेश बापु सुर्यवंशी यांच्या फिर्यादीवरुन नंदुरबार शहर पोलीस ठाण्यात अज्ञात आरोपीतांविरुध्द खूनाचा गुन्हा नोंदविण्यात आला.
सीसीटीव्हीवरून खुनाचा उलगडा
पाचोराबारी येथील रेल्वे फाटकाजवळ राहणारे कल्पेशभाई पटेल यांच्याकडे असलेल्या सीसीटीव्हीची पाहणी पोलिसांनी केल्यानंतर 24 ऑगस्ट रोजी रात्री सुमारे 9.30 वा. सुमारास एक तरुण व एक तरुणी नंदुरबारच्या दिशेने जातांना दिसुन आले व जात असलेली तरुणीच्या अंगावर असलेले कपडे हे मयताच्या अंगावर मिळुन आलेल्या कपड्याच्या वर्णनाशी मिळते जुळते असल्याने पोलिसांना क्लजू मिळाला. ढेकवद येथील रेल्वे ट्रॅकमनने ि24 ऑगस्ट रोजी सुरत ते भुसावळ पॅसेंजरमधुन एक तरुण व एक तरुणी ढेकवद स्टेशनला उतरल्याची माहिती पोलिसांना दिल्यानंतर पोलिसांनी पाचोराबारी ते सुरत दरम्यान असलेल्या सर्व 21 स्थानकांचे सी.सी.टी.व्ही. फुटेज तपासण्यासाठी एक पथक गुजरात राज्यात रवाना केले. 31 ऑगस्ट रोजी सुरत रेल्वे स्टेशन व स्टेशनच्या बाहेर असलेले सर्व सी.सी.टी.व्ही. फुटेजची पाहणी करीत असतांना सुरतच्या रेल्वे प्लॅट फॉर्मवर संशयीत आरोपी व मयत तरुणीच्या अंगावर असलेल्या कपड्यांच्या वर्णनाप्रमाणे कपडे घातलेली तरुणी आढळली तर शहरातून तरुण-तरुणीने ज्या रीक्षाने प्रवास केला तिथपर्यंत पोलीस पोहोचले. संशयीत तरुण व मयत तरुणी हे कापुदरा चौक, केंब्रिज ब्रीज येथे रीक्षात बसतांना दिसुन आले म्हणून परिसरातील सर्व रीक्षा चालकांकडुन माहिती घेण्यात आली. 4 सप्टेंबर रोजी नवागांम सुरत येथील अल्ट्रा लाईफ स्टाईल या कपड्याच्या दुकानाचे सी.सी.टी.व्ही. फुटेजची पाहणी करीत असतांना तेथे देखील संशयीत तरुण व मयत तरुणी हे दिसुन आले दुकान मालकाकडुन त्याची माहिती घेवुन त्या माहितीच्या आधारे संशयीतास ताब्यात घेण्यात आले.
विवाहाचा तगादा लावल्याने खून
स्थानिक गुन्हेने आरोपीला नंदुरबार येथे आल्यानंतर त्याने खुनाची कबुली दिली. मयत तरुणीचे नाव सीताकुमारी समदकुमार भगत (24, रा. चमारीया, चैनपुर, ता.मशरक, जि. छपरा) होते शिवाय मयताशी आरोपीचे गेल्या दोन वर्षापासून प्रेम संबंध होते. मयत तरुणी 23 ऑगस्ट रोजी बिहार येथुन सुरत येथे संशयीत आरोपीकडे आली. तेथे आल्यानंतर मयत तरुणीने संशयीत तरुणाशी विवाहासाठी तगादा लावला त्यावेळेस संशयीत तरुणाने विवाहित असल्याचे मयत तरुणीला सांगितल्याने त्यांच्यात वाद झाला. संशयीत तरुणाने या तरुणीला पुन्हा बिहार येथे तिच्या मुळ गावी सोडण्यासाठी सुरत येथून 2 ऑगस्ट रोजी सुरत-भुसावळ पॅसेंजरने निघाला मात्र रेल्वेमध्ये देखील मयत तरुणी संशयीत आरोपीशी वाद करत असल्याने संशयीत आरोपी ढेकवद रेल्वे स्थानकावर उरतला व तरुणीही त्याच्यामागे उतरली. दोन्ही काही वेळ पायी चालत गेल्यानंतर संशयीत आरोपीने रात्रीच्या अंधाराचा व एकांताचा फायदा घेत बिलाडी नंदुरबार शिवारात रेल्वे ट्रॅकजवळ एका शेतातील बांधाच्या बाजुला काटेरी झुडपात नेवुन सदर तरुणीस ब्लेडने गळा चिरुन जिवे ठार मारल्याचे कबुली केले. आरोपीला गुन्ह्याच्या पुढील कारवाईकामी नंदुरबार शहर पोलीस ठाण्याच्या ताब्यात देण्यात आले.
यांनी उघडकीस आणला गुन्हा
अत्यंत क्लिष्ट गुन्हा पोलीस अधीक्षक महेंद्र पंडित, अपर पोलीस अधिक्षक विजय पवार यांच्या मार्गदर्शनाखाली स्थानिक गुन्हे अन्वेषण शाखेचे पोलीस निरीक्षक रवींद्र कळमकर, पोलीस हवालदार प्रमोद सोनवणे, पोलीस नाईक सुनील पाडवी, बापु बागुल, मनोज नाईक, पोलीस अंमलदार किरण मोरे, यशोदीप ओगले, चालक पोलीस शिपाई सतीश घुले आदींच्या पथकाने उघडकीस आणला.
