अंतर्नादचे उपक्रम कायमच पथदर्शी -रघुनाथआप्पा सोनवणे

अंतर्नाद प्रतिष्ठानतर्फे गणेशोत्सवात ‘एक दुर्वा समर्पणाची’ हा उपक्रम : सुसरीसह पिंपळगाव खुर्द शाळेत साहित्य वाटप

भुसावळ : गणेशोत्सवात खर्चात बचत करून त्यातून घेतलेले शैक्षणिक साहित्य वाटप करण्याचा हा उपक्रम कौतुकास्पद आहे. वंचित विद्यार्थ्यांना शिक्षणाच्या मुख्य प्रवाहात आणण्यासाठी हा उपक्रम प्रेरणादायी ठरेल.अंतर्नादचे सर्वच उपक्रम सामाजीक बांधिलकी जोपासून राबविले जातात त्यामुळे अंतर्नादचे काम नक्कीच सर्वांन साठी पथदर्शी आहे अशी भावना अष्टभुजा ज्येष्ठ नागरिक संघ अध्यक्ष रघुनाथआप्पा सोनवणे यांनी येथे नमूद केली. अंतर्नाद प्रतिष्ठानतर्फे गणेशोत्सवात ‘एक दुर्वा समर्पणाची’ हा उपक्रम हाती घेण्यात आला आहे. त्यात शुक्रवारी भुसावळ तालुक्यातील सुसरी आणि पिंपळगाव खुर्द येथील जिल्हा परीषद शाळेत शैक्षणिक साहित्य वाटप करण्यात आले.

यांची प्रमुख उपस्थिती
प्रमुख पाहुणे म्हणून ज्ञानेश्वर घुले, सुसरी येथे सरपंच ऊर्मिला पाटील, उपसरपंच रवींद्र पाटील,शाळा व्यवस्थापन अध्यक्ष नयना पाटील मुख्याध्यापिका दीपाली भंगाळे, यांची तर पिंपळगाव येथे सामाजिक कार्यकर्ते अनिल पाटील, ग्रामपंचायत सदस्य नारायण कोलते, शाळा व्यवस्थापन अध्यक्ष कृष्णा शिंदे, मुख्याध्यापक सुनीता महाजन, यांची उपस्थिती होती. प्रकल्प समन्वयक अमितकुमार पाटील यांनी प्रास्ताविक केले. प्रकल्प प्रमुख भूषण झोपे यांनी उपक्रमाचा उद्देश सांगितला तर आभार सहसमन्वयक विक्रांत चौधरी यांनी मानले.