मुंबई : टीव्हीवरील लोकप्रिय मालिका रामायणात रावणाची भूमिका साकारणारे ज्येष्ठ अभिनेते अरविंद त्रिवेदी (82) यांचे निधन झाले. मंगळवारी रात्री अखेरचा श्‍वास घेतला. अरविंद त्रिवेदी यांचा जन्म मध्य प्रदेशातील उज्जैन शहरात झाला. गुजराती रंगभूमीपासून त्यांनी आपल्या कारकिर्दीला सुरुवात केली. त्यांनी गुजराती भाषेत धार्मिक आणि सामाजिक चित्रपटांद्वारे गुजराती प्रेक्षकांमध्ये ओळख मिळवली. मात्र रामानंद सागर यांच्या रामायण या मालिकेतील रावणाच्या भूमिकेमुळे त्यांना तुफान लोकप्रियता लाभली. या भूमिकेने त्यांना अजरामर केले. अरविंद त्रिवेदींनी सुमारे 300 हिंदी आणि गुजराती चित्रपटांमध्ये काम केले आहे. 2002 मध्ये त्यांना केंद्रीय चित्रपट प्रमाणन मंडळाचे (सीबीएफसी) कार्यवाह अध्यक्षही बनवण्यात आले. याशिवाय, ते 1991 मध्ये भारतीय जनता पक्षाच्या तिकिटावर खासदार झाले होते.
- ही बातमी वाचली का- पाटणादेवी मंदिर परीसरातील धबधब्यात बुडाल्याने 18 वर्षीय युवकाचा मृत्यू
