नवी दिल्ली : शेतकरी आपल्या शेतात काम करीत असताना हल्लेखोरांनी त्याची हत्या करीत गळा चिरून नेला. मध्य प्रदेशातील जबलपूर येथे ही घटना घडली आहे. तिलवाडा पोलीस ठाण्यांतर्गत असलेल्या परसिया गावात अज्ञात हल्लेखोरांनी 60 वर्षीय शेतकरी गया प्रसाद यांची गळा चिरून हत्या केली. ही घटना सोमवारी दुपारी घडली. दुपारी 3 वाजता पोलिसांना घटनेची माहिती मिळाली. घटनास्थळी पोहोचल्यानंतर पोलिसांनी मृतदेह ताब्यात घेऊन पोस्टमार्टमसाठी पाठवला. तिलवाडा पोलीस ठाण्याचे प्रभारी राहुल सैयान यांनी सांगितले की, काही अज्ञात हल्लेखोरांनी शेतकर्याचा गळा चिरून पळवून नेले. तो शेतात काम करत होता. याप्रकरणी गुन्हा दाखल करण्यात आला असून तपास सुरू करण्यात आला आहे.
