नाशिक : महामार्गावरील शेरे पंजाब हॉटेल जवळ भरधाव अज्ञात वाहनाने धडक दिल्याने तरूण ठार झाल्याची घटना घडली. या अपघातात पादचा-यांच्या अंगावरून वाहनाचे चाक गेल्याने त्याचा चेंदामेंदा झाला. ठार झालेला तरुण हा अनोळखी असून 25 ते 30 वयोगटातील आहे. या अपघात प्रकरणी आडगाव पोलीस ठाण्यात अज्ञात वाहनचालकाविरूध्द गुन्हा दाखल करण्यात आला आहे.
गुरूवारी मध्यरात्री अपघात
गुरूवारी मध्यरात्री हा अपघात झाला. अपघातात ठार झालेला तरूण गुरूवारी मध्यरात्री महामार्गावरून रस्त्याने पायी जात असतांना हॉटेल शेरे पंजाब जवळ अज्ञात वाहनाने जोरदार धडक दिली. याप्रकरणी पोलीस नाईक देसाई यांनी दिलेल्या तक्रारीवरून अज्ञात वाहनचालकाविरूध्द गुन्हा दाखल करण्यात आला आहे. तपास हवालदार बस्ते करीत आहेत.
