ब्रेकींग न्यूज : राज्यातील 92 नगरपरीषदांच्या निवडणुका जाहीर तारीखेलाच होणार

Elections for 92 Municipal Councils in the state will be held on the announced date only नवी दिल्ली : राज्यातील 92 नगरपरीषदांच्या निवडणुका वेळेत आणि ओबीसी आरक्षणाशिवाय (OBC Political Reservation) पार पडणार असल्याचे स्पष्ट झाले आहे. ज्या ठिकाणी निवडणुकासाठी अर्ज भरलेले नाहीत, त्या ठिकाणीच्या निवडणुका पुढे ढकलण्याचे आदेश मंगळवारी सुप्रीम कोर्टाने दिले असून आतापर्यंत जाहीर झालेल्या निवडणुकांच्या अधिसूचनेत कोणताही बदल करू नये, असेही सुप्रीम कोर्टाने म्हटले आहे.

सुप्रीम कोर्टात झाली सुनावली
ओबीसी आरक्षणाच्या मुद्यावर सुप्रीम कोर्टात मंगळवारी महत्त्वाची सुनावणी झाली. राज्य सरकारने बांठिया आयोगाचा अहवाल सादर केला आहे. या पार्श्वभूमीवर आज सुप्रीम कोर्टातील सुनावणीकडे सगळ्या राज्याचे लक्ष लागले होते. ओबीसी आरक्षणासाठी आवश्यक असणारी ट्रिपल टेस्ट पूर्ण केली असल्याचे राज्य सरकारने सुप्रीम कोर्टाला सांगितले. त्यानंतर सुप्रीम कोर्टाने जाहीर झालेल्या निवडणूक कार्यक्रमात कोणताही बदल न करण्यास सांगितले. त्याशिवाय, नवीन निवडणुका जाहीर न करण्याचे निर्देश दिलेत. ओबीसी आरक्षणाबाबतची सुनावणी 19 जुलै रोजी होणार आहे. त्यामुळे आता बांठीया आयोगाच्या आधारे ओबीसींना आरक्षण मिळणार का, याकडे राज्याचे लक्ष लागले आहे.